نشرت إحدى مستخدمي موقع التواصل الاجتماعي فيسبوك، تدعى نسرين نبيل صورة للفنان الشهير حسن كامي من مكتبته بمنطقة وسط البلد، ولفت ذلك أنظار رواد «السوشيال ميديا».
وحكت نسرين عن ما شهدته بمكتبة كامي، قائلة: «في طريقي للشغل انبهرت بلوحات و مكتبة اول مرة اشوفها دخلت لقيت “حسن كامي”ضحكت و مكنتش مصدقة لدرجة انه قالي انت المنورة».
وأضافت: «سألني بشتغل ايه و اسمي و عرفني بنفسه “خدامك حسن كامي” و حكالي قصة المكتبة.. و قالي اقول لاصحابي عن المكتبة -من غير ما يقول ده انا هعمل فرح».
وتابعت نسرين: «المكتبة: هي متحف مصغر ، بتبيع كتب اصلية و لوحات اصلية او نسخة طبق الاصل من الاصلية ، كتب و لوحات مستشرقين و علم المصريات ..وحاجة اخر فن و جمال».
وفي نفس السياق، تداول آخر حوار له مع كامي عقب شرائه لبعض الكتب واللوحات من المكتبة، قائلاً: «ما جات سيرة مراته عيط، وقال انه من بعد وفاة مراته مبيعملش حاجه، غير المكتبة قالي: طالما الشمس بتطلع وانا بكتفي انى افطر ببيضه واكل تفاحه، بالدنيا واللي فيها، ومعنديش غير المكتبة اللي فيها كنوز الدنيا».
واستكمل: «طب مش هترجع للفن تاني ياعم حسن؟ يابني انا غنيت على اكبر المسارح في العالم، وتكرمت من العالم كله، ولما كنت بارجع هنا في المطار ولا الهوا، ورغم كل ده انا بحب البلد دي قوي قوي .. ومش عاوز حاجه تاني، فن ايه وبتاعايه ، م خلاص كل حاجه راحت ولا في فن ولا ثقافة».
واستطرد: «طب بتقرأ ايه ياعم حسن؟ انا بقرأ كتب التاريخ، اكتر كتاب قريته تاريخ الجبرتي قريته خمس مرات ولسه بقرأ فيه تاني.
طب مش هتتجوز تاني؟ محدش هيملى مكان نجوى، الله يرحمها، وعايش على ذكراها لحد م اموت، ويارب اموت وانا في صحتي، انا حاليا بكتفى باقل الحاجات، تفاحه، كوباية عصير، والحمد لله قوي قوي على كل حاجه، ولا عاوز فلوس ولا عاوز حاجه تاني من الدنيا.كفايه الكتب واللوحات اللى انا قاعد وسطها».
وانشئت مكتبة الفنان في القرن التاسع عشر على يد يهودي مصري يدعى «فيلدمان»، لتصبح أحد المراجع التي يستعين بها المستشرقون في الغرب، ولذلك سميت بـ”المستشرق”، وانتقلت ملكية المكتبة إلى “شارل بحري” بعد وفاة فيلدمان عقب العدوان الثلاثي على مصر، وباعها شارل لكامي، ثم أهداها لزوجته التي ظلت تديرها حتى رحيلها في 2012، وفقاً لتصريحات الأخير الصحفية.
وتضم المكتبة أكثر من أربعين ألف عنوان، بين كتب قيمة ولوحات فنية نادرة، بينها مخطوطة واحدة ضمن ثلاث فقط حول العالم من كتاب «وصف مصر».
شاهد أيضًا:
بعد الوعكة الصحية له.. شاهد أول ظهور لـ «هاني شاكر» وتغيير ملامحه
بعد قصة الحب الجنونية.. مفاجأة صادمة حول طلاق أنور وجدي وليلى مراد
