حالة من الغضب الكبير شهدتها السوشيال ميديا خلال الساعات اللي فاتت بسبب القارئ الشهير اللي ظهر في مقطع فيديو وهو بيرقص أثناء تلاوة القرآن الكريم.
الفيديو المنتشر للشيخ قلب الدنيا لأنه بدل ما يحترم تلاوته للقرآن الكريم ظهر وهو بيرقص ويتمايل أثناء تلاوة أمام الناس.. بس يا ترى ليه عمل كده؟ وإزاي قارئ ويعمل ده؟ والسلطات هتعمل إيه معه؟.. تفاصيل كتيرة نكشفها في هذا التقرير
خلال الساعات اللي فاتت انتشرت فيديوهات كتيرة من مناسبات مختلفة واللي ظهر فيها قارئ القرآن الكريم الشيخ محمد السلكاوي واللي يعتبر من أشهر قارئ القرآن الكريم في مصر.. واللي ظهر في الفيديوهات وهو وسط الناس ويتلو القرآن الكريم ولكنه كأنه بيغني مش بيقرأ قرآن عشان يظهر وهو بيقرأ ويتمايل في مشهد غريب أن يعمله أي شخص بيقرأ قرآن.
الفيديوهات دي عملة حالة من الغضب الكبير على السوشيال ميديا وسط هجوم على القارئ وعلى السلطات الدينية في مصر بسبب المقاطع اللي ظهر فيها القارئ وهو بيرقص ويقدم حركات معيبة بيديه وجسمه خلال تلاوة آيات من سورة الشورى.. الناس اللي شافت أنه بيعمل حركات لا تتفق مع هيبة وقدسية القرآن الكريم وكأنه بيغني مش بيقرآ القرآن الكريم.
الناس تداولت الفيديوهات على السوشيال ميديا بشكل كبير وسط هجوم على الشيخ السلكاوي ووصل الموضوع للمطالبة بمنعه مع هجوم على المسئولين اللي سايبينه يعمل كده في مشهد لا يجوز أبدأ أنه يعمل أي حد ما بالك لو اللي بيعمله قارئ شهير وأن لازم يكون في قادسية للقرآن الكريم والسلطات الدينية في مصر المفروض تحافظ على الهيبة دي مش تسيبه يعمل كده.
مع الهجوم الكبير وحالة الغضب على السوشيال ميديا أصدرت نقابة القرّاء ومحفظي القرآن الكريم بمصر، بيان أعلنت فيه وقف المقرئ وإحالته للنيابة العامة، وقالت إنه بعد انتشار الفيديوهات للشيخ وهو بيقرأ آيات من سورة الشورى” وبيعمل حركات لا تليق بكتاب الله، قرر النقابة بإبلاغ رئيس الإذاعة المصرية ورئيس التخطيط الديني بالإذاعة بوقفه وأنه لا يصلح لتلاوة القرآن الكريم، كمان قررت تكليف المستشار القانوني لها بإبلاغ النيابة العامة.
في نفس الوقت أعلنت النقابة اتخاذ الإجراءات القانونية ضد 6 قراء تانين بسبب مخالفة أحكام التلاوة أو القراءة بغير علم، وأكدت أنها هتواصل اتخاذ الإجراءات القانونية ضد كل القراء المتجاوزين الي بيعملوا أشياء لا تحترم قادسية وقيمة كتاب الله، وكمان مش تفلح معهم طرق النصيحة والإرشاد، عشان لابد على الجميع الالتزام.
النقابة أعلنت كمان أنها هتراجع كل المقرئين وتراقبهم وفي حالة تجاوز أي واحد منهم هيتم اتخاذه الإجراءات القانونية ضده بشكل مباشر احتراما لقيمة وقادسية كتاب الله.
