إذا كنت تحلم بفتح برنامج ولكنك لا تعرف من أين تبدأ ووضعك لا يساعدك، فيمكنك الآن تحقيق حلمك بسهولة. يأتي ذلك في الوقت الذي أعلنت فيه وزارة التنمية المحلية أعلنت خلال الساعات الأخيرة عن برنامج جديد لدعم المشروعات
بس هو إيه تفاصيل المشروع ده؟ وايه هي شروطه؟ وحجم تمويله بيوصل لكام؟ والعائد بتاعه قد ايه؟
الدولة دايما بتسعي أنها تدعم المشروعات الصغيرة والمتوسطة وده من خلال المبادرات والبرامج والقروض اللي بتقدمها لدعم المشروعات دي، وده عشان تقدر تنشط من حركة الاقتصاد وتقلل معدلات البطالة
وكان آخر البرامج دي هو البرنامج اللي أعلن عنه مجلس الوزراء وبتقدمه وزارة التنمية المحلية بس ياترى إيه تفاصيل البرنامج ده؟
شوف يا سيدي، الصفحة الرسمية لمركز المعلومات ودعم اتخاذ القرار بمجلس الوزراء نشرت خلال الساعات الأخيرة إنفوجراف جديد تحت عنوان (فائدة تبدأ من 5%.. تفاصيل برنامج التمويل الميسر “مشروعك”)
وده بقى برنامج بتقدمه وزارة التنمية المحلية الهدف منه القضاء على البطالة وتوفير فرص عمل للشباب من خلال تمويل ميسر وبتسهيلات كبيرة بفائدة تبدأ من 5%
البرنامج ده يا سيدي بيمول كل الأنشطة.التجارية والصناعية والخدمية والزراعية والحيوانية والمهن الحرة
وبيكون الحد الادنى للتمويل 25 ألف جنيه، والحد الأقصى بيكون وفقا لطبيعة النشاط ودراسة الجدوى، أما طريقة السداد فالحد الاقصى ليها بيكون على مدار 5 سنين وفي فترة سماح 12 شهر
وعلى فكرة بيتم تمويل المشروعات دي بقروض بنكية وقروض من جهاز تنمية المشروعات الصغيرة من خلال قروض متوسطة أو قصيرة المدى من سنة ل5 سنين
ولو بتسال عن الفايدة فهي بتكون متناقضة وبتتوقف على حجم قرض وطبيعة العميل سواء كان جديد ولا عنده خبرة وعموما هي بتبدا من 5%
وبالنسبة بقى لشروط التمويل فأول شرط هو أنك تكون حسن السير والسلوك، والإستعلام الائتماني والميداني بتاعك يكون إيجابي، ده غير طبعا انك لازم تكمل كل المستندات المطلوبة منك زي بطاقة الرقم القومي ودراسة جدوى للمشروع وغيرها من المستندات، كمان سنك يكون بين 21 سنة ل60 سنة في نهاية التمويل
وبالمناسبة البرنامج ده مول اكتر من 206.8 ألف مشروع ومن خلالهم تم توفير 1.5 مليون فرصة عمل بإجمالي 26.9 مليار جنيه
بس انت عارف أن في بعض البنوك في مصر بتقدم لك قرض للمشروعات الصغيرة أولهم بنك القاهرة اللي بيقدملك قرضة قيمته 1.5 مليون جنيه، وبفترة سداد 5 سنين
بس بشرط أن سن العميل ميقلش عن 21 سنة وميزدش عن 65 سنة في نهاية التمويل
وبالنسبة بقى للمستندات المطلوبة فبيطلب منك صورة البطاقة الشخصية وتكون سارية وصورة البطاقة الضريبية وتكون برضو سارية ومستخرج من سجل تجاري حديث ورخصة مزاولة المهنة، وكمان بتقدم عقد تأسيس الشركة وكشف حساب بنكي شخصي أو لنشاط عمل
كمان انت عندك قرض المشروعات الصغيرة اللي بيقدمه البنك العقاري المصري وده برضو قيمته قيمة 1.5 مليون جنيه بس بفترة سداد 8 سنين، وبشرط أن الحد الأدنى للدخل يكون7 آلاف جنيه
المفاجأة بقي في قرض بنك اسكندرية اللي قيمته بتوصل ل5 مليون جنيه لتمويل رأس المال العامل و8 مليون جنيه لتمويل الأصول الثابتة، وبفترة سداد 5 سنين
ودلوقتي قولنا رايك في برنامج مشروعك؟
