حالة من الجدل الواسع، شهدتها مواقع التواصل الاجتماعي، الساعات الماضية، بعد تداول مقطع فيديو لطالبة تحتفل بتخرجها من كلية التربية الرياضية بجامعة أسيوط بأسلوب فريد ومميز.
وظهرت الفتاة في الفيديو وهي ترقص على أغاني المهرجانات خلال حفل تخرجها، مرتدية الزي الخاص بالخريجين وقبعة التخرج، الأمر الذي عرضها لهجوم كبير من الجمهور.
مفاجأة بشأن طالبة أسيوط صاحبة وصلة الرقص بحفل التخرج
وبالبحث تبين ان هذه الطالبة تدعى سمر عنتر، وتعيش بمحافظة أسيوط، حيث درست في كلية التربية الرياضية بجامعة أسيوط. لديها 7 أخوة، 3 بنات و4 أولاد، وشقيقتها تدرس في الولايات المتحدة الأمريكية.
وردت سمر على الانتقادات قائلة:”أنا كنت بتخرج وكان نفسي اللحظة دي تكون ذكرى حلوة ليا ولأهلي، أنا معمتلش حاجة غلط، الفيديو مش فيه حاجة مخلة أو تتنافى مع قيم المجتمع، أنا فتاة من صعيد مصر وأهلي كلهم كانوا في الحفلة، والفيديو كان قدام الجميع أنا معملتش حاجة غلط”.
وأضافت: «أنا مش طالعة أبرر بس دي كانت حفلة تخرجي، وأنا طلعت رقصت عادي مفيهاش حاجة لافتة، ما فيه ناس بترقص في الفرح هل الفرح يفرق عن حفلة التخرج؟».
وأكملت: «أنا فرحتي كانت فرحة عادية ومكنتش بعمل كده عشان أطلع ترند والكلام الفاضي ده، أنا كان حواليا أصحابي وأهلي وحبايبي، لكن الناس استغلت ده عشان يشهروا بيا، أنا طلعت رديت من بشاعة الكلام، أهلي عارفيني كويس أوي وهما عارفين بنتهم بتعمل إيه مفيش حاجة في الخفاء، وإخواتي رجالة يسدوا عين الشمس ومش بعمل حاجة من وراهم خالص”.
واختتمت: ” أنا بتشرف بالكلية بتاعتي ودكاترتي بأي حق تغلطوا فيهم، أنا هاخد إجراءات قانونية ضد أي حد شهّر بيا، والناس اللي فجأة عملوا شيوخ وحكموا عليا مش إنتو اللي هتقولولي الحرام والحلال إيه، كل شخص يركز في حياته وكفاية كلام بالباطل، وأنا خصيمة أي حد اتكلم عن عرضي وشرفي».
اقرأ ايضا:
