ماذا حدث للشيخ عبد الله رشدى وزوجته التى رحلت عن الحياة؟.. هذا السؤال ناس كثيرة تسأله بعد رحيلها الذي كان حديث السوشيال ميديا.
لكن مصدر مقرب من الشيخ عبدالله رشدي كشف عن تفاصيل كثيرة في سبب رحيلها وه الإهمال من الأطباء كان السبب؟ ولماذا طالبوه بمليون جنيه؟.. تفاصيل كثيرة سنتعرف عليها من خلال التقرير التالي:
مرة واحدة فوجئ متابعى الشيخ عبد الله رشدى ببوست على صفحته على فيس بوك، بينعى فيه زوجته ويعلن خبر رحيلها وموعد خروج الجنازة.
على الفور، انتشرت التعليقات التى تقدم العزاء للشيخ، وسط ذهول كبير من الخبر، لانه الزوجه لسه صغيرة فى السن ومش بتعاني أي تعب يشكل خطورة عليها.
وقت صلاة الجنازة اتضحت القصة اكتر، اتهام الشيخ عبد الله رشدى لمستشفى شهير بالتجمع الخامس بأنها السبب فى رحيل زوجته، وان اهمال الاطباء السبب، واتقدم ببلاغ فى قسم شرطة التجمع الخامس.
مصدر قريب من الشيخ، قال إن الزوجه دخلت المستشفى لإزالة كيس دهني بأحد الأماكن وان حالتها كانت طبيعية، ولكن بسبب جرعة بنج زيادة وإهمال الدكاترة، حصل اللي حصل.
كل الى فات ده، أدى فى النهاية لتدهور حالتها الصحية، ورغم محاولات أنهم يلحقوها إلا أنها كانت انتقلت من الحياة.
المصدر قال إن المستشفى طالبتهم بتكاليف علاج خياليه وصلت لمليون جنية، والشيخ كمان طالبهم بتقرير للحالة لشكه فيهم، بس هما رفضوا، وده خلاه فى النهاية يقدم بلاغ.
ومع ذلك فعبدالله رشدي قال إنه مش هيسكت على اللي حصل في مراته واللي عملوه فيها في إهمال الدكاترة اللي هو شايف كان في مستشفى كبير وشهيرة وده اللي خلاه يقدم البلاغ ضدهم ويرفض أنه يدفع أي فلوس لهم لغاية لما يشوف إيه اللي حصل لمراته.
فيه كلام تانى انتشر، أن الشيخ عبد الله كان اتخانق مع زوجته بعد اتهام سيدة عراقية بخداعها بالجواز، بس المصدر نفى كل الكلام ده.
الشيخ عبد الله عبر عن حزنه الكبير على رفيقة دربه وقال إنه على مدار 15 سنة اللي فاتوا من جوازهم كانت نعم الزوجة، وتمنى من ربنا أنه يقابلها يوم القيامة في الجنة.
اللافت بقا لحد دلوقت، أن محدش يعرف مين مرات الشيخ عبد الله دى، اسمها ايه ولا جنسيتها إيه، لأنه عمره ما اتكلم عنها ولا ذكر اسمها قبل كدا، ومش بيحب حد يعرف أسرار بيته.
الحزن اللي كانت على وش الشيخ عبد الله رشدي، وهو بيشعوا الجنازة في مسجد السيدة نفيسة، خلى الناس كلها تتعاطف معه وتعرف أن فقدان الزوجة الصالحة بيكون خسارة كبيرة لا تعوض.
