علق الكابتن أحمد حسام ميدو، على قرارات مجلس الوزراء بشأن عمل الموظفين الفترة المقبلة من المنزل، نتيجة لتخفيف الأحمال.
وقال ميدو عبر حسابه على “تويتر” : “والله ياريت موظفي الحكومة يروحوا الشغل يومين بس في الأسبوع والباقي من البيت..هنوفر حاجات كتير وكل الناس هتستريح والإنتاج أكيد هيكون هو هو!! المشكلة إن نص ستات مصر هتتطلّق من قعدة الرجالة في البيت”
تصريح صادم من ميدو..
وفي وقت سابق، كانت حالة من الهجوم الشديد، شنها الإعلامي عمرو أديب، على أحمد حسام ميدو، خلال برنامجه “الحكاية” المذاع على قناة “إم بي سي مصر”.
وقال عمرو أديب: “ميدو اللي طالع من كام يوم يقولك أصل انت عندك مشكلة مع مرتضى منصور، أنا مشكلتي يا ميدو مع مرتضى ابتدت بسببك فاكر، واللي أفكرك لما قالك أنا هعلقك من رجليك في الاستوديو لو طلعت مع عمرو أديب، ويومها أنا أخدت المسئولية وقلت لأ ميدو هيطلع ويتكلم”.
وتابع: “فاكر يا ميدو مرتضى منصور يوم ما طلعت معايا قال عليك إيه؟ بيتعمل فيك إيه؟ فاكر اليوم ده ولا لأ؟”.
وأكمل: “فاكر يا ميدو لما كلمتني وقلت لي يا عمرو أنا هتصالح مع مرتضى منصور علشان مش كل شوية يشتمني وأنا داخل وخارج من البلد مش عايز حد يضايقني ولا يشتمني، وقتها قلت لك خلاص يا ميدو ربنا معاك”.
وأضاف: “هددني وقتها إنه هيقفل المحطة لو طلعت ميدو طبعا لا هو ولا اللي يتشددله كان يقدر يقفل المحطة، وقال لي أنا جاي أعلق ميدو من رجله وشتمه”.
اقرأ ايضا:
