المرتب بيكفيك ليوم كام في الشهر؟ لو بتاخذ أقل من 10 آلاف جنيه ليس كفاية! وهذا ليس كلامي إنه كلام مطفي بكري ومن قبله الرئيس!
وطبعا انت بتقول نفسك طب حلو.. ليه بقى الحكومة متزودش المرتبات؟ وليه مصطفي بكري على آخره من المسؤولين وخصوصا المحافظين؟ وإيه حكاية المنافقين اللي قال للحكومة تبعد عنهم؟
والله المواطن المصري مبقاش قادر يعيش بالمرتب بتاعه.. الللي بياخد 5 الاف هيعمل ايه؟هيدفع الكهربا ولا إيجار البيت ولا المياه ولا هيدفع الرسوم الي عليه ولا هيركب مواصلات ولا هيأكل عياله؟
وشوفوا رغيف العيش بقى بكام دلوقتي، ابو 5 ساغ ده يدوب ميساويش حاجة، والناس صابرة عشان البلد.
ده كلام الاعلامي مصطفى بكري اللي انتقد فيه أداء الحكومة وخصوصا المحافظين اللي قاعدين على مكاتبهم مش عاوزين يشتغلوا والموظفين اللي بيعطلوا المراكب السيارة.
عشان كده بكري اتكلم عن إجراءات مهمة لازم ننفذها عشان نضمن سلامة الوطن، وقال لازم نعمل الاتي :
نواجه جشع التجار، نعمل وزارة اقتصاد مهمتها تخطط للمستقبل، ووزارة استثمار مهمتها تجذب الاستثمارات، نجيب الرجالة الشاطرين ونحطهم في المواقع المطلوبة، مجبش واحد يفسد أو معندوش خبرة في المجال ومش فاهم.
كمان تحاول ترضى الرأي العام بالقوانين والقرارات اللي بتطلعها، مش معقولة نفضل نصرف في البنية التحتية وبس، رغم أنها انجاز عظيم للمستقبل بس برضه بص على الجوانب التانية
احنا دلوقتي عندنا معاناة المواطن، وتعنت الموظفين في المصالح والهيئات، وناس مش في أماكنها،
لازم نفوق ومنسمعش كلام المنافقين اللي بيقولوا الدنيا اخر حلاوة، لا الناس شقيانة وتعبانة والاستثمار واقف وفيه مشاكل
والتجار الجشعين هما اللي بيشتغلوا ومفيش رقابة عليهم، وكل تاجر بيبيع بمزاجه والمواطن بقى فريسة ليهم، ماهو مش معقول كيلو اللحمة يبقى ب280 وجنيه!
عشان كده سبق وطلب بكري من الحكومة تشوف حل للطبقة المتوسطة يعني الموظف اللي بياخد عى 6 أو 7 أو 10 آلاف جنيه مش هيعرف يأكل ويشرب ويلبس ويدفع فلوس المدارس ويدفع الكهرباء والغاز، للازم نقعد ونشوف طريقة نستر بها الناس لغاية ما تتحسن الأحوال لأن الدولة عليها مسؤوليات كبيرة.
وده برضه رأي الرئيس السيسي لما قال إن المرتبات تعبانة، أيوة تعبانة.
كمان وجه كلامه للمصريين وقالهم: والله العظيم باكلمكم من قلبي، أقل من 10 آلاف جنيه لأي حد، مايعيش، هتقولي طب انت بتعمل ميناء بـ40 مليار جنيه.. لازم أكون متوازن، غيري أكل وشرب وسابها على الحديدة، المسار الحالي أكبر من أي حد، لازم أشتغل على كل قطاعات الدولة، حد يقول لي مهتم بالحديد والأسمنت، طب والبشر؟ مهتم بكله
وبعد اخر زيادة في المرتبات، دلوقتي الحد الأدنى للمرتبات في الحكومة 3 ألف جنيه، وفي القطاع الخاص 2700 جنيه، انتوا بقي بتقبضوا كام؟ وعشان تعرفوا تعيشوا محتاجين المرتب يزيد قد إيه؟
