موضوع تثبيت العمال في القطاع الخاص، في وقت معين شاغل كل العاملين فيه، خصوصًا في عز الازمة الاقتصادية، وأنه ليس سهلا في الوقت الحالي أن تجد وظيفة براتب مناسب وتالبي احتياجاتك، لذلك فإن مجلس النواب قام بمناقشة الأمر، من اجل تأمين مستقبل العمال ولكي يحصلوا على حقهم في التثبيت.
بعد ما الحكومة بدأت تعلن عن قانون العمل الجديد، ومن وقتها والمناقشات في مجلس النواب مبتخلصش عشان تقدر توصل لحل يرضي العمال.
خصوصًا في موضوع تعديل المادة الخاصة بتثبيت العمالة في القطاع الخاص ،وكل هدفهم انهم يأمنوا مستقبلهم، ويستقروا في وظيفتهم، في وسط ظروف المعيشة الصعبة، وعايزين يجذبوا اكبر عدد من العمال للقطاع الخاص.
وحاليا في نقاشات بين القيادات العمالية بالقطاع الخاص، عشان يحولوا العقد المؤقت لعقد دائم، او بمعنى اصح العامل يتثبت في الشغل.
والقانون الجديد كان فارض ان بعد 6 سنين، يقدر العامل يتقبت في شغله، لكن مجلس الشيوخ قدر يوصل المدة لـ4 سنين بس، ده غير إن كمان عضو المجلس القومي للأجور، بيطالب ان كفايا يكون عقد العمل المؤقت سنتين بس، عشان يتحول للدائم.
وان لازم يكون في قانون عمل بيناسب الظروف المعيشية، وبيوازن بين العامل وصاحب العمل، خصوصا ان في حوالي 26 مليون عامل في القطاع، وبيستحوذوا على 80% من الاقتصاد الوطني، ولازم نحمي حقوقهم.
وعشان كدا القانون الجديد بيفرض على صاحب العمل انه يحرر عقد عمل بينه وبين العامل باللغة العربية، ولازم يبقى في منه اربع نسخ، واحدة معاه، وواحدة مع العامل، والتالتة بمكتب التأمين الاجتماعي، والرابعة بالجهة الإدارية المختصة.
وكمان في حالة وجود أي مشكلة في الشغل، هيبقى في محاكمة عمالية متخصصة للفصل في النزاعات العمالية، وبتمنع نهائي فصل اي عامل بشكل تعسفي، والفصل لازم يكون بحكم قضائي .
وحتى لو أي عامل حب يقدم استقالته، مش هتتقبل غير باعتمادها من وزارة القوة العامة، ومكتب العمل، ولازم الاول بيقدمها لصاحب العمل، ويكون ماضي عليها، ومعتمدة من الجهة الإدارية.
لكن لازم يفضل مستمر في شغله 10 أيام لغاية ما يتقبل طلبه، وبعد الفترة دي لو مجالوش الرد، تعتبر استقالته مقبولة ،
وكمان اتلغت “استمارة 6″، اللي كانت بتهدد استقرار العاملين في الشغل، وبسببها شباب كتير كانت بتخاف تشتغل في القطاع الخاص.
وزي ما انت ليك حقوق والقانون بيضمنهالك، كمان عليك واجبات والتزامات لو خالفتها، بيبقى من حق صاحب الشغل انه يفصلك، والقانون هيقف معاه ، واولهم لو ثبت انك منتحل شخصية، او مقدم مستندات مزورة.
ولو اتثبت انك فتشت اسرار تخص الشغل، واتسببت في اضرار جسيمة، لكن لازم صاحب الشغل يقدم بلاغ للجهات المختصة في خلال 24 ساعة من وقت ما يعرف بالواقعة.
او لو روحت الشغل وانت سكران او واخد ممنوعات، او اتعديت بأي شكل على زملائك في الشغل او المدير بسبب الشغل، او في وقته.
لازم تبقى عارف اللي ليك واللي عليك، لان مش دايما القانون هيقف معاك، لكن بشكل مبدأي هيبقى قدامك فرصة كبيرة تتثبت في شغلك.
