لو انت تستعد للزواج فهل تعرف انه لك منحة من الحكومة؟ ولكن كم قيمة هذه المنحة ؟ وما شروطها؟ وما الأوراق المطلوبة؟ وفعلا قيمتها 24 الف؟ كل هذا سنعرفه في التقرير التالي:
لو انت او انتي داخلين على جواز او حتى متجوز ولسه مكملتش 5 سنين تعرف انك ليك منحة من الحكومة قيمتها 24 الف جنيه ايوة زي ما سمعت 24 الف جنيه.وده لأن قانون المعاشات منح للبنت عند وفاة والدها منحة بتساوي قيمة المعاش اللي بتاخده لمدة سنة.
طيب المنحة دي للبنات بس؟
لا ممكن الابن برضو ياخد المنحة دي لكن بشرط ان يكون عدى سن معين او انه بيشتغل وهيكون السبب ساعتها هو انقطاع المعاش
و يا ترى ايه هي خطوات عشان اخد المنحة دي؟قانون التامينات حدد بعض الشروط اللي منها ان المنحة بتتصرف للابنة او الاخت بعد انقطاع المعاش.
كمان القانون قال ان المنحة بتتصرف مرة واحده بس بقيمة المعاش لمدة سنة.طيب المنحة دي ممكن اقدم عليها امتى ؟
في حالة البنت ممكن تقدم عليها لو معداش عليها 5 سنين جواز لكن لو مر أكتر ملكش حق في صرفها، أما بقى الابن ممكن يقدم عليها في حالة انقطاع المعاش مش لازم وقت الجواز.
طيب اقدم طلب عشان اخد المنحة فين؟اقولك ازاي، الابن أو البنت هبروحوا لمكتب التامينات اللي بيصرفوا منه المعاش وبيقدموا الطلب هناك.
ولازم المستفيد يقدم الاوراق اللي بتثبت حقه في المنحة زي مثلا قسيمة الجواز و البطاقة الشخصية بس اهم حاجة انها تكون بطاقة سارية
والسؤال هنا بقى: منحة الجواز دي قيمتها كام؟
الحد الأدنى للمنحة 500 جنيه شهريا لكن ممكن تزيد حسب المعاش اللي كان بيتصرف وممكن البنت تقدم عليه بعد كتب الكتاب لكن مش في وقت الخطوبة.
وبحسب تصريحات سامي عبد الهادي نائب رئيس الهيئة القومية للتأمين الاجتماعي في برنامج من مصر، قال ان لو ابنة او الاخت انقطع معاشهم بعد الجواز في الحالة دي ليهم الحق في طلب المنحة
وبالنسبة للابن او الاخ اذا وصل لسن 21 سنة او اشتغل قبل ما يوصل للسن ده هنا المعاش بيتقطع ووقتها بيحق ليه انهم يقدموا على المنحة، وقال كمان ان وقت الأبنة لما تقدم على المنحة لازم تمضي اقرار انها مش بتشتغل.
ومش بس كده المفاجأة أنه قال المنحة ممكن توصل ل 24 الف جنيه بس ازاي؟
ده بقى في حالة ان معاش الاب 3000 جنيه وليه ابنة واحدة بس بتقبض معاشه بقيمة 2000 جنيه معني كده ان قيمة منحة الجواز على مدار سنة هتكون 24 الف جنيه وده بحسب اللي قاله سامي عبد الهادي في برنامج من مصر.
وكمل انها لو كانت بتقبض معاش 1500 بس كل شهر هتاخد 18 الف جنيه ودلوقتي بعد ما عرفت كل حاجة عن منحة الجواز هتقدم عليها؟
