تحدث الرئيس عبد الفتاح السيسي، اليوم الأربعاء على هامش كلمته بالمؤتمر الدوري الخامس للشباب، في العديد من الملفات المثارة حاليًا على الساحة السياسية في مصر، يأتي من أبرز تلك الملفات اعتماد تعريفة جديدة على تذاكر مترو الأنفاق.
” لو قولتولي أرحل.. هقولكم سلام عليكم ” :
وقال الرئيس السيسي في حديثه في جلسة “رؤية الدولة المصرية للأربع سنوات القادمة “، إن الدولة ليس لديها رفاهية تأجيل الإصلاح الاقتصادي، فقال الرئيس السيسي: ” لا نملك ترف عدم تنفيذ القرار.. لو ماخدتش القرار هبقى قصرت في حقكم.. ولو لم أتخذ مثل هذه القرارات لن يأخذها أحد، لو حد تاني هيخاف حد يقوله ارحل، لكن أنا لو قولتولي ارحل هقولكم سلام عليكم، لازم البلد تبقى بلد وده أمر مش بسيط”.
” أنتم مش أبناء نجباء ؟ ” :
كما أكد الرئيس السيسي، أن الإجراءات الاقتصادية التي تتخذها الدولة حاليًا، هي إجراءات حتمية، مؤكدًا أن الدولة النجيبة هي التي تسعة إلى تغيير واقعها المؤلم إلى واقع أفضل، فقال : ” إحنا ظروفنا ضيقة، لكن لو مكناش عملنا كدا كانت الظروف هتكون أضيق من كدا ونتعب أكتر، ولا أنتو من أبناء نجباء ؟! “.
“محدش يتصور أن الرئيس في فمه معلقة دهب ” :
وتابع الرئيس السيسي، خلال تصريحاته اليوم الأربعاء على هامش المؤتمر الدوري الخامس للشباب، مؤكدًا أن القرارات المتخذة مؤخرًا نابعة من المواطن المهتم ببلده، فقال: ” اوعوا تفتكروا إننا قطط سمان يعنى، اوعى حد يتصور إن الرئيس فى فمه معلقة دهب، أنا من تحت خالص، وعشت مع كل الناس وعارف الغُلب، لكن الغُلب عمرك ما هتطلع منه غير بالشقا والصبر”.
وعن غلاء أسعار تذاكر المترو : ” لازم نتعب شوية ” :
وتحدث الرئيس السيسي عن رفع أسعار التذاكر الفترة الماضية وتقسيمها إلى 3 شرائح، فقال : “يعني نقفل الخط بتاع حلوان يا جماعة، نقفله!، إحنا كدولة بنحاول نحل الوضع بقدر الإمكان، الـ30 مليار القرض اللى هخدهم عشان أطور بيهم خط حلوان هيبقوا سلف وكده مش هنبقى بنحل، هنبقى بنزود الأحمال على الأجيال القادمة، يبقى علينا التعب شوية “.
وتابع أيضًا: ” في مصر معندناش ترف إننا نأجل أو مندخلش التحدي، لو مخدناش القرار يبقي إحنا قصرنا في حقكم جميعا، لأن ده مش قرار حكومة ده قرار الدولة “، كما وجه رسالة للشعب المصري فقال: “أنتم وليتمونى المسئولية فى الحفاظ على مصر، وأنا خايف عليها”، مضيفًا: “خايف إن الاجراء الاحتجاجى الواسع اللى بيقوموا بيه يأثر على البلد، لأنهم فى الآخر بيرجعوا يناموا في البيت ومايعرفوش نتايجه على الدولة واستقرارها”.
” اصبروا عليا كمان شوية ” :
وأضاف الرئيس السيسي، خلال الجلسة الختامية في المؤتمر الخامس للشباب، اليوم الأربعاء، فقال : ” منافذ الخدمة الوطنية اتفتح 54 منفذًا خلال الأسبوعين الماضيين، عشان يساعد مع المنافذ الموجودة، وأسعار الخضراوات كان هيبقى قد كده مرتين وتلاتة لولا تدخلنا”، وتابع : “اصبروا عليا كمان شوية”.
