نعم، يبدو أن شركة آبل قامت بإطلاق إصدار جديد رائع من هواتف الآيفون. يقال أنه مليء بميزات مذهلة لم تكن في الأفكار السابقة، وبالتالي يمكن أن نصفه بأنه “تليفون الأحلام”.
بس ايه مميزات التليفون الجديد؟ وسعره كام؟ وايه الميزة اللي فيه ومش موجودة في اي ايفون تاني؟ وازاي شركة ابل دعمت الكاميرا والالعاب فيه؟
ملايين من الناس اللي مهتمة بالتليفونات وتحديدا بالايفون بيستنوا اعلان شركة ابل بخصوص طرح الايفون الجديد، وده رغم أن سعره غالي جدا ويعتبر من أغلى الماركات الموجودة في السوق من وقت طرحه لحد دلوقتي
عشان كده شركة ابل أعلنت خلال الساعات الأخيرة طرح موديل جديد من الايفون، بس إيه التفاصيل؟
شوف يا سيدي، حسب اليوم السابع، شركة Apple أعلنت رسميا خلال الساعات الأخيرة عن طرح iPhone 15 Pro وiPhone 15 Pro Max خلال مؤتمر “Wonderlust”
الموديل ده يا سيدي بيتميز بهيكل من التيتانيوم بدل من الفولاذ المقاوم للصدا، مش بس كده ده كمان وزنه خفيف وبيتميز بأنحف الجوانب لأن تم تقليل البعد الإجمالي من غير تقليل حجم الشاشة
مش بس كده ده كمان في زرار جديد بدل من مفتاح كتم الصوت وده تقدر من خلال تشغل تطبيق الكاميرا وتجيب الاختصارات أو ميزات إمكانية الوصول، وحاجات تانيه كتير
ده كمان فيه شريحة A17 Pro ودي أول شريحة مقاس 3 نانومتر من Apple اللي بتنقل البيانات بسرعة بنسبة 10 جيجابت في الثانية باستخدام كابل USB3 ، ده غير أن فيها وحدة معالجة الرسومات الأسرع بنسبة 20%
أما بقى الكاميرا فحدث ولا حرج الشركة قالت إن عندها سبع عدسات للكاميرا و طبقة نانو جديدة اللي بتقلل من توهج العدسة، ده غير أنها هتوفر المستشعر بدقة 48 ميجابكسل لتحسين الأداء في الإضاءة المنخفضة
وبالنسبة لحجم الشاشة فهي مقاسها 6.1 بوصة، ومقاس شاشة جهاز برو ماكس 6.7 بوصة ، وتقريبا الشركة بتهيئ الجهاز ده عشان يستقبل كل الالعاب وتقدر تلعبها براحتك
نيجي بقى لسعره اللي بيبدأ سعر ايفون 999 دولار يعني 31 الف جنيه تقريباوده بالنسبة للبرو، اما سعر 15 برو ماكس 1199 دولار يعني 37.200 جنيه
بس في الوقت اللي كانت ابل بتكشف فيه عن اخ ق إصدارها، فرنسا كانت بوحه ضربة جديدة للشركة الأمريكية العملاقة، وده بعد ما أعلنت حظ بيع هواتف “آي فون 12” على أراضيها بسبب تجاوز الأجهزة دي الي طرحتها “أبل” سنة 2020 الحدود القصوى للموجات الكهرومغناطيسية المنبعثة منها، واللي بيمتصها جسم الإنسان، وده بحسب الهيئة الوطنية للترددات.
عشان كده طلبت بحل المشكلة دي في أسرع وقت والا على شركة ابل أنها تسحب تليفوناتها من السوق
وحسب قناة العربية، شركة ابل كانت أعلنت عن انخفاض مبيعاتها للربع المن سنتها المالية المنتهي في أول يوليو ل 81.8 مليار دولار وارتفاع الأرباح للسهم بنسبة 5% عشان يسجل 1.26 دولار، ودي نسبة تحاوزت توقعات المحللين اللي اتوقعوا وصول مبيعات ابل ل 81.69 مليار دولار والأرباح ل 1.19 دولار للسهم
وعلى فكرة شركة أبل صرفت 22.61 مليار دولار على البحث والتطوير من بداية السنة المالية الحالية لحد دلوقتي، بزيادة 3.12 مليار دولار عن نفس الفترة السنة اللي فاتت
ودلوقتي قولنا رايك في الايفون الجديد ممكن تشتريه بالسعر ده؟
