توك شو

شاهد| سيدة: مدير زوجي بعت لي هدية ملابس داخلية.. ورد فعله فاجئني

روت سيدة تٌدعى ياسمين من القاهرة تفاصيل مشكلتها مع زوجها، مشيرةً إلى أن مشكلة وقعت بينها وبعد زوجها بسبب إرسال مدير زوجها هدايا لها عبارة عن ملابس داخلية.

وقالت الزوجة في مداخلة هاتفية لبرنامج «كلام من القلب»: «انا متجوزة من سنة تقريبًا، المشكلة بدأت مع جوزي من شهرين تقريبًا أو 3 شهور، يعني كان بيعرفني على مديره في الشغل وكان بييجي معاه البيت».

وأضافت: «بدأ بعد كده مديره في الشغل يكلمني على تليفوني انا ويسأل عليا، وجوزي كان بيقول لي ده راجل كبير وراجل كويس، وفي مرة حصلت مشكلة بيني وبين جوزي بسبب المصاريف، وبدأ بعد كده يتصل بيا كتير ويقول لي ما تقوليش لجوزك إني بتصل عليكي».

واستطرد: «مرة على مرة اتصل عليا وقال لي تعالي أعزمك على حاجة بره وتعالي نتكلم، المهم بعد ما لقيت نيته مش كويسة مبقتش أرد عليه تاني ولما اشتكيت لجوزي ما أخدش رد فعل».

وتابعت: «في مرة جوزي جاب لي هدية، وبعدها بشوية اتصل عليا مديره في الشغل يقول لي انا بعت لك هدية مع جوزك وقولي لي إيه رأيك فيها».

وأضافت: «لما واجهته لقيته بيدافع عن مديره في الشغل وقال لي الراجل ده كبير وما يقصدش أي حاجة وانا اللي فاهمة غلط، ولما طلبت منه يسيب الشغل، قال لي أنتي عاوزة مني غني أمشي اتخانق مع الناس وخلاص».

أحمد عز الدين

صحفى مصرى عملت بالعديد بالمواقع والصحف المصرية والعربية ، بحب الكتابه وعمري ما اعتبرت انه مجرد شغلانه بتقبض عليها فلوس اخر الشهر.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى