شاي ليبتون الموجود في كل بيت.. له قصة عجيبه لأن توماس ليبتون مخترع النوع ده من الشاي كان بقال صغير واكتشف الشاي بالغلط، ليس هذا فقط فهو عمل حاجة صغيرة جدا حولته لأكبر تاجر في سوق الشاي ومالك اكتر من 300 محل وشركه.
قصة مخترع شاي ليبتون لكن ازاي اكتشفه بالغلط؟ ومين هو توماس ليبتون بالظبط؟ وايه السر اللي خلاه ينجح لدلوقتي؟
مين فينا ميعرفش شاي ليبتون رقم واحد في مصر، اللي ممكن يقلب يوم اي حد لو معدلتش مزاجك بكوباية منه، لكن عمرك سالت نفسك هو مين مخترع شاي ليبتون وايه قصة الشاي ده اصلا
هتستغرب لو قولتلك أن شاي ليبتون ده اصلا اتعرف بالصدفة واللي اخترعه كان مجرد.بقال صغير، لكن هو ايه الحكاية؟
في البداية اللي مخترع شاي ليبتون تاجر صغير اسمه توماس ليبتون، وده بدأ حياته في العمل بوظايف كتير في امريكا لكنه قرر أنه يرجع بعد 5 سنين لاسكتلندا البلد اللي اتولد فيها عشان يساعد والده في محل البقالة بتاعه
المحل ده كان من ضمن منتجاته هو الشاي، وبعد فترة قصيرة توماس اكتشف إمكانيات الشاي الكبيرة واللي مكنش كتير يعرفها عشان كده اشترى أول مزرعة شاي ليه في سيلان، وقرر أنه يعمل دعايا ليه بنفسه ويستغل اي فرصة أو اي مناسبة عشان يروج لنفسه
لحد ما في سنة 1871، احتفل بافتتاح أول محل بقالة باسم “ليبتون”، الجميل في توماس بقى أنه رغم أن العصر ده كان الشاي يعتبر رفاهية نادرة ومكلفة، فهو كان شايف أن أي شخص، من أي فئة، لازم يشربه ويستمتع بيه في أفضل حالاته
وقرر أنه يعبي الشاي سايب في اكياس وباوزان مختلفة، واستغنى كمان عن الوسيط وكان أول واحد يبيع الشاي السايب بشكل مباشر للمواطنين وبدأو يبيعوه للعمال الفقراء، وبعدها حاول أن يزود من جودة الشاي عشان ينجح ويتوسع اكتر
وفعلا نجح لانه كان مختلف عن غيره في الترويج لشغله و سنة 1888 كانت محلاته تزيد عن 300 محل في سوق الشاي، لا ومش بس كده ده أسس شركة باسمه لتغليف الشاي في نيو جيرسي وبعدها بدأ أنه يدور على طرق للتعبئة والتغليف والشحن بأقل تكلفة بدل من الصناديق
وبعد فترة قصيرة، توماس اكتشف أكياس الشاي بالغلط من خلال تاجر أمريكي وده كان بعتله عينات شاي في أكياس حرير اللي اتوقع أنها ممكن تتحط في المياه وتعمل شاي، ومن هنا شاف ليبتون المستقبل، وكان أول من بدأ بيع أكياس الشاي.. اللي هي الفتلة حاليا
كمان كان أول من طبع تعليمات عمل المشروبات على بطاقات أكياس الشاي وواضح كده أن توماس كان ليه في الكورة لأن سنة 1909، توماس ليبتون قرر يعمل بطولة كرة قدم تجمع أعظم فرق كرة القدم من 4 دول، وهي سويسرا وايطاليا وألمانيا وإنجلترا
وبالفعل بعت لهم دعوى وكل دولة بعتت الفريق بتاعها ماعدا انجلترا بعتت فريق من الهواه ممثل عنها والغريب بقى أن الفريق ده هو اللي كسب وفي 1911 عملوا نسخة تانية من البطولة، و نفس النادي رجع وكسب ايطاليا 6-1
ودلوقتي قولنا إيه اغرب صدفة غيرت حياتك؟
