فن و مشاهير

سر حذف خناقة دودي ومحمد رمضان “جعفر العمددة” وياترى ما النتيجة؟

منذ أيام انتشر على مواقع التواصل الاجتماعي مقطع فيديو ظهر فيه “دودي” خطيب الفنانة زينة السابق في مسلسل “جعفر العمدة” وهو ذاهب للفنان محمد رمضان منطقته في السيدة زينب وهذا ضمن أحداث المسلسل الذي يعرض في رمضان، وتسبب المشهد ده في سخرية الجمهور على مواقع التواصل الاجتماعي.

 

سخرية الجمهور من “دودي”

المشهد المحذوف ده كان ضمن الحلقة الـ12 من مسلسل “جعفر العمدة” واللي كان نصه: “أنا جاي أعلم عليك في منطقتك ياجعفر ياعمدة..”، وكان رد محمد رمضان عليهم كله إيفيه عشان ساب كل حاجة حواليه زي العربية والعصاية والكلب اللي جايبه دودي معاه وشلته كمان، وقال: “أنا مش فارق معايا كل ده اللي فارق معايا بس إنك بتقول ياجعفر ياعمدة”.

ومع تداول المشهد بين الجمهور على منصات السوشال ميديا بدأت تساؤلات ياترى ده في أي حلقة، لأنه فعلًا ماتعرضش على التلفزيون في الحلقات لدرجة إن البعض قال إنه مشهد متسرب وده هيتعرض فيما بعد لكن اتضح إنه محذوف والسر ورا كده هي أوامر رقابية موافقتش عليها المصنفات الفنية.

جدل بخصوص المشهد المحذوف

اكتشف بعض المشاهدين إن مشهد خناقة دودي مع محمد رمضان في جعفر العمدة اتعرض في منصات رقمية واتحذف من النسخة المصرية واتقال كمان إنه اتعرض على قنوات خليجية، وده اللي وضحته صورة بتبين مصير دودي وأصدقاؤه وإن جعفر العمدة واجههم بعنف وضربهم بشكل عنيف زي ما بيعمل في أي خناقة دخلها لأ وعلقهم في منقطته، وانتهت الخناقة لصالح جعفر العمدة وظهر دودي وأصدقاؤه وعلى أجسادهم علامات الضرب المبرح.

تفاصيل سبب الحذف

بعد ما أكد المشاهدين إن المشهد اتعرض في الحلقة 12 على القنوات والمنصات غير المصرية، كتب الفنان محمد علي رزق تعليق رد فيه على بوست السيناريست محمد أمين راضي اللي كتب مستنكر: “يعني إيه مشهد من مسلسل مصري يتحذف في القنوات والمواقع المصرية وبيتعرض في نسخة الخليج؟”.

وبعدها عدل البوست وكتب: “تعديل.. طلع ما اتوافقش عليه رقابيا في مصر.. وده فعلا كان سبب السؤال.. فكده تمام.. الصناع أحرار طبعا”، واتردد إن سبب الحدف هو العنف اللي بيحتويه المشهد وغن فعلًا مكانش ينفع يظهر للجمهور في مصر لأن المخرج محمد سامي اختار ليهم مصير صعب بتعليق دودي وأصدقاؤه قدام أهالي المنطقة.

ومسلسل جعفر العمدة بيشهد تطور في الأحداث بتاعته حلقة عن التانية وبقى في صراع بين غالبية المشاركين في العمل وده اللي اتسبب في توقف محمد رمضان في البحث عن ابنه يعني شوفنا زينة بتضرب على راسها وتدخل المستشفى ولبنى ونس بتموت وبتسيب أحمد داش لمصير مجهول ده غير إن الفنان منذر رياحنة هيظهر وهيكون في أحداث جديدة في العمل ومن هنا كان الجمهور بيشيد بإيقاع المسلسل وإن مفيش ملل لإن الأحداث مش متوقفة بس على إن محمد رمضان بيدور على ابنه.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى