رياضة

مجدي عبد الغني لشوبير: « بلاش أنا.. هفضحك يابتاع هبه».. فيديو

مجدي عبد الغني يفتح النار على شوبير

شن مجدي عبد الغني ، عضو مجلس اتحاد الكرة، هجوما عنيفا على الإعلامي أحمد شوبير بعد هجوم الأخير عليه أثناء انتخابات النادي الأهلي والتي فاز بها محمود الخطيب، مهددًا بكشفه عددًا من الفضائح، التي تمس الأخير على الهواء في أحد البرامج التليفزيونية.

وكان عبد الغني أحد أبرز المساندين لمحمود طاهر في الانتخابات، وظهر في إحدى ندواته الانتخابية وقال لأعضاء الأهلى: “لو ضميرك صاحي هتختار قائمة طاهر الراجل النظيف”.

وقال مجدي في مداخلة مع البرنامج الإذاعي “الكورة في ملعبك”، الذي يقدمه خالد الغندور، قائلا: “بلاش أنا يا شوبير، خليك في حالك، الناس لسه فاكرة فضايحك مع هبة، وهشتري وقت على حسابي عشان أطلع سيديهاتك، وأنت مبتخافش غير من مرتضى منصور اللي قعدك في البيت”.

وتابع البلدوزر: “كل واحد حر في رأيه ومش عشان كنت بأيد طاهر في الانتخابات تهاجمني، ومن حقي إبداء وجهة نظري ويجب احترامها”.

وأضاف: “خليك في نفسك يا شوبير، إنت عندك من الفضايح اللي أنا لو طلعتها مش هخليك تطلع تاني على التليفزيون، إنت مالك أنا بقول إيه، يا أخي أنا هجيبلك المكالمة بتاعتك مع هبة يا بتاع الأخلاق، أنا مش هقول أنا شوفتك في اتحاد الكرة بتعمل إيه أنا مش هتكلم بس هاشتري وقت في برنامج وهارد على الإعلام بتاعك المقرف ده”

وأكمل عبدالغني: “هو إنت فاكر نفسك هتسوقنا بمزاجك، إنت مع الخطيب براحتك، ليه عايزنا كلنا نمشي على مزاجك، ده إنت عندك بلاوي مسيحة، نسيت لما مسكت صالح سليم شرحته، ورفعت قضية على النادي الأهلي، يا بني بلاش أنا ما تستفزنيش، قولتلك 100 مرة ابعد عني، إنت عارف أنا مين وإبن مين يا شوبير وما جتش النادي بشبشب”.

ونجح أسطورة كرة القدم المصرية، محمود الخطيب في حسم منصب رئاسة النادي الأهلي لـ4 سنوات مقبلة، بفارق 7774 صوتا عن منافسه محمود طاهر ونجحت قائمة “بيبو” بالكامل، وفشل أي مرشح من قائمة أخرى أو حتى من المستقلين في التواجد بمجلس الإدارة الجديد.

ابراهيم سمير

ابراهيم سمير حاصل على بكالوريوس تجارة قسم محاسبة واتجهت للعمل الصحفي منذ أكثر من 6 سنوات وعملت في مواقع عديدة وأقوم بكتابة تقارير وأخبار رياضية عن الكرة المصرية والعالمية .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى