معروف إن الفنانين عايشين في بيوت أفخم و أجمل من بيوت الناس العادية، فيها فخامة الذوق اللي بتكون عنوان لقصورهم الملكية زي مبيقولوا.
بعض الفنانين بيفصلوا الديكورات كبيرة الحجم على شكل قصور الأميرات زي الفنانة المغربية “دنيا بطمة” اللي لفتت الأنظار بديكور بيتها الفخم.
اما الفنانة “نور الغندور” فاعتمدت بيتها على ديكور منزل كلاسيك أنيق ولمساته تقليدية مميزة بيعبر عن شخصيتها الرومانسية.
بيت بسمة بوسيل من الدهب
الموديلز المغربية “بسمة بوسيل” زوجة المطرب تامر حسني اختارت لبيتها الانيق ديكور من ألوان المعادن سواء بلون الدهب او الفضة، انما اللى بيميزه اكتر هو حديقة الأطفال اللي بتزيد البيت اناقة وفخامة.
بيت نانسي عجرم كلاسيكي مصري
اما المطربة اللبنانية “نانسي عجرم” فجمعت في بينها ما بين الأسلوب العصري اللي بيعتمد على ألوان جريئة وقوية وما بين الأسلوب الكلاسيكي بلمساته الفخمة في بعض اركانه، وده اللي خلاه مميز اوي.
اخلع نعليك انت في منزل شمس الكويتية
اما الفنانة “شمس الكويتية” فكتبت على باب بيتها الفخم عبارة قالت فيها: “اخلع نعليك إنت في بيتي”.الجملة دي شرحت بيتها من جوة اللي اشترطت على ضيوفها دخوله بطاقة ايجابية لانها بتكره النكد”.. شمس اول متدخل بيتها بترش عليك عطور من افخم الانواع.
اما الديكور والأثاث فقالت انه بسيط خصّصت من جوة زاوية مليانة مجموعة من تماثيل القرود لانها لما شافت البشر شافتهم زي القرود.” شمس” هي اللي بتقوم بتنضف وترتيب المطبخ رغم انشغالاتها، ووصفت نفسها بـ”مريضة نضافة”.
فيلا محمد رمضان وهم من جوة
الفنان “محمد رمضان” بيكسب ملايين، سواء من اعماله او من قناة اليوتيوب بتاعته، وطبيعي يكون عنده اكتر من بيت كلها فخمة من جوة،
الغيلا بتاعة محمد رمضان ديكورها بيجمع الألوان الهادية زي اللون الأبيض والرمادي والألوان الترابية مع أثاث فخم وأكسسوارات مميزة وأنيقة.
الفيلا فيها جنينة كبيرة مليانة نخل واشجار زينة جايبة ظل في اماكن الفيلا، وده المكان اللي بيقضي فيه محمد واسرته معظم أوقاتهم.
بنشوف النحم دايما بيظهر فيها هو وابنه في زوايا الجنينة منهم مرات ظهر وهو بيلعب كرة القدم، ده غير حمام سباحة كبير وغرفة معيشة وسفرة كلها الوان كلاسيك فخمة.
بيت الهام شاهين على التراث القديم
اما الفنانة “الهام شاهين” فديكور بيتها كله طابع اكلاسيكي فخم على التراث القديم بمساحات كبيرة تناسب اكبر عدد من الضيوف وقاعات الاستقبال بممرات مميزة.
كمان الأثاث بتاع البيت من الطراز القديم اللي بتعتمد على الجودة والمتانة والأسقف المعلقة، وأرضيات البيت والستاير، واكسسوارات الديكور كلها فخمة بتجمع ألوان فضي ودهبي وبني.
فيلا “الهام شاهين” على طريق المنصورية بالجيزة جنب مدينة كرداسة على مساحة 500 متر مبنية على دورين حوليها سوار ارتفاعه 2 متر.
قصر عمرو دياب تحفة معمارية
اما قصر النجم المصري والعالمي، الهضبة عمرو دياب اللي بيفع على طريق مصر-إسكندرية الصحراوي فهو بعيد عن الزحمة وكله هدوء.
القصر وصفوه بانه تحفة فنية معمارية سواء من جوة او من برة وده القصر اللي استخدم الجنينة بتاعته في تصوير مشاهد من أغانيه الشهيرة.
