تحدث الفنان خالد الصاوي عن أكثر فترات حياته صعوبةً، أثناء تصوير فيلم «عمارة يعقوبيان»، حين اكتشف مرضه عن طريق الصدفة، بسبب مطالبة المخرج مروان حامد له أن يخسر وزنه.
وتابع خالد الصاوي خلال حديثه مع أنس بوخش في «ABtalks»، عن فترة إصابته بالفيروس: «كان عندي صديقة ومكنتش راضي أقابلها، لأني مكنتش عارف الفيروس بينتقل إزاي، ووقتها كنت بكسب 1000 جنيه في الشهر، وأحيانًا 2000، وساكن بـ900 جنيه، والعلاج في الوقت دا 4000 في الشهر، يعني مش هقدر».
وتابع خالد الصاوي: «قعدت فترة مقولش في السوق إن عندي فيروس سي، عشان يفضلوا يشغلوني، لحد ما عرفت حجمه، وعرفت إنه فيروس ضعيف جدًّا لكن خبيث جدًّا، وبيعمل مشاكل على المدى الطويل».
وأضاف: «أنا وقتها مكنتش قريب من الدين، والحياة الروحية، يعني مكانش عندي طاقة روحية، غير إني بحب الفن والمرح، وقتها بدأت أركز، وأتمرن وأعرف ربنا، وكنت بنزل أجري في الشارع، وأطلع 23 دور في بيتي، وبقيت أقول لن يأكلني فيروس سي».
وأردف الصاوي عن فترة علاجه: «وقتها جالي فلوس، ورُحت عشان أشتري الأدوية، ورحت ألمانيا عشان أشتريه ودفعت دم قلبي، وفي الآخر اتعالجت في بلدي، عشان كدا حاسس إني مدين لوزارة الصحة بالفضل».
مقالات أخرى قد تهمك
“بعد التنمر على بطنها”.. سلمى أبو ضيف تعلن قرار ناري
الموت يفجع الفنانة إيناس عز الدين
