هي نجمة أثبتت إن النجاح ليس بعدد الأعمال ولا بلعب أدوار كبيرة، وإن الانتشار ليس المعيار الرئيسي لإن الناس تكون فاكراك وعارفاك، الأهم إنك تقدر تختار أدوارك صح، وتقدر تصل للناس.
وفوق كل ده طبعا الموهبة والقبول ودي حاجة مبيتمش اكتسابها ولكن بتكون طبيعية مخلوقين بيها، مميزة بجمالها وجاذبيتها، ومحبوبة عند الجمهور.. هي الفنانة أروى جودة.
الفنانة أروى جودة واحدة من النجمات اللي قدروا إنهم يسيبوا بصمة كبير ومحبة عند الجمهور المصري من خلال أدائها المتميز وكمان جمالها وجاذبيتها، ولكن مع ذلك هي واحدة من النجمات اللي رفعوا شعار العزوبية، لأنها لحد دلوقتي متجوزتش، وارتبط مرة واحدة بشكل رسمي من الممثل التركي أوزجان دينيز، وبداية العلاقة بينهم كان خلال مشاركتها في مسابقة ملكات جمال في تركيا، وشافوا بعض واتعرفوا ومن ساعتها كان في بينهم علاقة.
أروى بتقول إن هو طلبها من أهلها، وكانت بتستعين بمترجمة عشان توصل مشاعرهم لبعض لإنه مكنش بيعرف يتكلم إنجليزي ولا عربي، وهي مبتعرفش تركي، وبالتالي مكانوش بيعرفوا يتكلموا مع بعض، ولكن في النهاية حصل بينهم الانفصال بشكل محترم حسب ما هي قالت، لأن هو كان عايز يعيش في تركيا، وهي عايزة تعيش في مصر ومرتبطة بأسرتها ومش هتقدر تعيش معاه، ومع بداية السنة دي أعلنت إنه تمت خطبتها ولكن مفيش تفاصيل تاني عن الموضوع ده.
أروى جودة عاشت في السعودية لحد عمر 18 سنة، وبعد كدة جت مصر وعاشت فيها ودرست في قسم التسويق في الأكاديمية البحرية، وسنة 2004 حصلت على جائزة أفضل عارضة أزياء.
مدرستش التمثيل، وبدايتها كانت من خلال المخرج سعيد حامد في فيلم «على جنب يا أسطى»، وبعد كدة اشتغلت مع المخرج أحمد شفيق في مسلسل «خطوط حمراء»، والدور اللي عملها نقلة نوعية بعد كدة كان دورها في فيلم «زي انهاردة» لأن الدور كان صعب عليها، وبتقول إن عمرو سلامة طلب منها تستمتع باللي بتعمله، عشان تدخل على مرحلة تاني من حياتها، مع المخرج محمد بكير، الذي قدمت معاه مسلسل “المواطن إكس” وكان إضافة مهمة بالنسبالها في مراحل كانت بتحاول تتقل فيها موهبتها وبتتعلم من المخرجين والنجوم اللي بتشتغل معاهم.
مسيرة أروى جودة استمرت واشتركت في مجموعة من أهم وأبرز الأعمال منها مثلا الجزيرة 2، وهو واحد من الأدوار اللي كانت مهمة ليها، وكملت كيتر من بعدها.
من الأدوار اللي علمت مع الجمهور لأروى جودة، شخصية أصداف في مسلسل «أهو ده اللي صار» لما عملت دور أصداف، والجمهور اتعلق بيها بشكل كبير وشافها بشكل مختلف، وده كان متناغم مع النجاح الكبير اللي حققه المسلسل ده والحالة اللي كان مقدمها، وأخيرا بقى ظهرت بدور مختلف في مسلسل رسالة الإمام من بطولة الفنان خالد النبوي اللي اتعرض في موسم رمضان اللي فات.
أروى جودة بتقول إنها مش مستعجلة على مسألة لعب أدوار البطولة لأنها هتيجي في وقتها، واتعرض عليها كتير تقدم أدوار بطولة في أعمال ضعيفة ولكن هي كانت بترفض، وبتنستنى تشارك في أدوار في أعمال قوية عشان تعيش وتظهر بشكل كويس.
ظهور أروى جودة في السينما مش بنفس حجم تواجدها في الدراما، ولكن هي بتنتظر عرض فيلم «بنات رزق» واللي عاملة فيه دور كبير، وبتتمنى يكون نقلة مهمة ليها في حياتها المهنية.
ظهور أروى جودة في المهرجانات أو جلسات التصور عادة ما بيسببلها أزمات ويخليها تتصدر أخبار الفن، وده لأنها بتكون في كتير من الوقت ظاهرة بفساتين مفتوحة أو قصيرة.
ولكن أكتر مرة كان عليها كلام كتير، واتسببت في إن بعض الناس اتكلموا عليها كانت في مهرجان الجونة، لما اتعرضت لنوع من الإيذاء النفسي بسبب إنها ظهرت بفستان قصير وظهر سيلوليت في رجلها.
أروى جودة ردت على الموضوع ده بإنه قبل الحدث ده بسنتين كان ممكن تكتئب وتزعل وتقعد في البيت، ولكن هي دلوقتي أقوى ومبيهمهاش حاجة ومقتنعة إن الجمال الطبيعي أحسن، وإن كل الناس عندها بعض العيوب في جسمها وده طبيعي، ولكن اللي أزعجها هو إن واحدة من الصيدليات استخدمت صورتها عشان تعمل عليها دعاية لمنتح بتبيعه، واعتبرت إن اللي بتعاني منه أوى جودة مرض.
وبمناسبة المهرجانات كان ليها تصريح شهير بيتكلم عن الفنان أحمد داش، لما اتسأل وقتها تحب تتجوز مين من النجمات فرد وقال أروى جودة، ولما هي اتسألت عنه قالت إن هو بيفكرها بأحمد زكي وإن نججم كبير وموهوب.
أروى جودة في قت من الأوقات مرت بأزمة نفسية لأن وزنها زاد 30 كيلو وده كان خلال فترة كورونا، لما كانت قاعدة في البيت والشغل قليل ومكنش فيه حافز بالنسبالها إنها تحافظ على وزنها، ولكن بعد كدة قدرت إنها ترجع تاني لوزنها الطبيعي.
كمان كشفت في واحد من اللقاءات عن معاناتها من ADD وده بيسبب تشتت تركيز، والدكتور قالها إن ده بيسببلها ألم نفسي وتوتر كبير عشان تقدر تركز في حياتها.
أروى جودة بتعيش فترة نفسية صعبة خلال الأيام الأخيرة وده بسبب رحيل والدها.
