أسرار لأول مرة ..قصة البيت الذي ولد وتربى فيه الزعيم عادل إمام

تخيلوا إن عادل إمام لا أحد يعرفه من أهله وجيرانه في قرية شها وهذا المكان الذي ولد وتربى فيه وهو صغير!، تخيلوا أيضا إن الجيل الحالي في القرية  يعرف عادل إمام بسبب شهرته ومن يتذكر الزعيم  هم شيوخ القرية وكباراتها.

أيوه زي ما بقولكم كده وفي الفيديو ده هتعرفوا حكاية بيت الزعيم ده ومين استولى عليه دلوقتي وإيه موقف عادل إمام من اللي حصل؟

السرية أساس حياته

ويعتبر الزعيم من أكثر نجوم الفن اللي عندهم حرص يخفوا حياتهم الشخصية ويبعدوها عن الناس خالص يمكن عشان قاعدته في الحياة إن الجمهور عاوز فنه وبس وده اللي بيقدمه ونجح فيه جداً لحد ما بقى أكبر نجم في الوطن العربي، وكمان فرض السرية على حياته ده خلى ولاده رامي ومحمد واخدين نفس الطريق مش مخليين حد يتدخل في حياتهم.

 الحكاية لذيذة

عادل إمام عزل من القرية عشان الدراسة بتاعته في القاهرة، وساب أهله وناسه وقلت زياراته ليها وده عشان انشغاله في كلية الزراعة وبعدين شغله في الفن، والزعيم اتولد في قرية شها تبع مركز المنصورة في محافظة الدقهلية، وعاش والده في القرية دي مع عيلته اللي اسمها “البخريني”، واشتغل في مصلحة السجون بوزارة الداخلية، والأجيال الكبيرة اللي موجودة لحد دلوقتي في القرية هي بس اللي فاكرة عادل إمام الطفل اللي كان عايش فيها لكن الأجيال الجديدة ولا تعرف حاجة، وكمان كبار وشيوخ القرية قاله عنه إنه كان عنده خفة دم وموهبة ربانية وكان بيعمل جو من المرح والضحك على كل الي حواليه.

مصير المنزل

البيت اللي كان بيلم الأسرة وفيه عيلة الزعيم دلوقتي اتهد واتبنى من جديد، واتوزّع على أبناء أعمامه ومنهم الحاج محمود البخريني، ابن ابن عّم عادل إمام، وبيسكن فيه دلوقتي مع ولادهء والجميل بقى إن موقف الزعيم من اللي حصل ده عادي عشان دي كانت قرارات الناس الكبيرة في العيلة وبقى اللي بيعمل الزعيم من وقت للتاني في شبابه وبداية شهرته وبعد جوازه إنه كان بيروح زيارات وليه صورة هناك هو ومراته وولاده في بلوك البيت بعد ما اتبنى من تاني.

ربنا كرمه من وس

بعد الشهرة الزعيم عادل إمام، بيعيش في حياة أسرية وسط ولاده وأحفاده، ودايما أخوه عصام إمام والمقربين منه يقولوا إنه بيقضي وقت سعيد وسط تجمع عيلته، وهو بيعيش في فيلته الخاصة في منطقة المنصورية، تابعة لمنطقة كرداسة.

ودي فيها بردوا شوية من الفنانين والشخصيات العامة، ومساحة الفيلا دي 100 فدان، وحواليها سور كبير وجواها جنينة كبيرة مليانة بالأشجار وبيفرض نوع من الخصوصية على بيته.

مميزات الفيلا

فيلا عادل إمام فيها حمام سباحة كبير، وبتتميز بالطابع الكلاسيكي العصري، والديكور الكلاسيكي فيه فخامة وأناقة بتتناسب مع المساحات الكبيرة في المجالس وقاعات الضيوف والممرات، وفيها عنصر مميز وهو اختيار الأثاث من الطرازات القديمة اللي بتركز على الجودة والمتانة.

أما الأسقف المعلقة، والأرضيات والستاير والاكسسوارات وقطع الأثاث الفخمة، والدرجات بتظيلك إيحاء بالفخامة وألوانها فضي وذهبي وبني، ده غير قطع الأثاث الفخمة والتحف والتماثيل والأكسسوارات اللي فيعا أناقة وبتعكس روح الماضي والتاريخ، والفيلا فيها مكان مناسبات بيستضيف فيها الزعيم وأفراد عيلته كل ضيوفه واتعمل فيها الاحتفال بعيد ميلاده الأخير.