الإعلامية مها الصغير، حتى وقت قصير كان لا يعرف أحد عنها الكثير من المعلومات سوى انها زوجة الفنان احمد السقا، أو طليقته، ولكن مااذ تعمل وأين كانت قبل عملها في التلفزيون في تقديم البرامج، تابعونا سنكشف العديد من الاسرار.
الوجه الحقيقي لزوجة أحمد السقا
مها الصغير زوجة الفنان أحمد السقا.. على قد ما هي كيوت على الشاشة.. بس في الحقيقة ممكن نقول عليها المرأة الحديدية.. شافت كتير في حياتها.. وبتعمل حاجات كتير برضه غير إنها أم وإعلامية وزوجة فنان شهير
مها الصغير دخلت عش الزوجية من بدري.. خطفها أحمد السقا وهي لسه في بداية حياتها.. واتقدم لها.. وغرقت شوية في البيت والأمومة.. وأجلت أحلامها وطموحاتها المهنية عشان تحققها كلها دلوقتي.
مها الصغير ما بين الحجاب والخيانة
مرت بمراحل متقلبة في حياتها.. في الاول اتجوزت من فنان مشهور ونجم الناس كلها بتدخل أفلامه وبتحب تتفرج عليه.. وبعدين سيطرت عليها موجة التدين والحجاب والبعد عن الأضواء فترة.. بس مخدتش كتير في الموضوع ده وقدرت إنها ترجع تاني لحياتها وللكاميرات.
مها اتعرض عليها تمثل وهي صغيرة وأيام ما كانت في الجامعة بس والدها وأحمد السقا كانوا رافضين.. وهي كمان مكنتش حابة الموضوع أوي.. بس كانت حابة التصميم.. وفعلا فتحت ورشة لتصنيع وتصميم الشنط الجلد.. وكمان اشتغلت مصممة أزياء فترة.
فجأة حياة مها الصغير اتشقلبت واتغيرت خالص.. بسبب نزوة صغيرة عملها أحمد السقا لما حب عليها واحدة من زمايله وهي الفنانة أروى جودة.. وده كان السبب الأساسي في انفصالهم اللي محدش سمع بيه لغاية فترة قريبة جدا.
شروط عودة مها الصغير لأحمد السقا
وافقت مها ترجع لأحمد السقا بشروط كتير جدا.. أولها وأهمها طبعا إنه مش هيشتغل مع أروى جودة تاني.. وده كان تنازل بسيط جدا قصاد الكارثة اللي عملها.. والتاني إنها تاخد نصيبها من الشهرة والأضواء بس بطريقتها .. وده برضه تاني تنازل قدمه السقا رغم إنه كان رافض إنها تظهر أصلا ولا إن الناس تعرفها.
دخلت مها الصغير مجال الإعلام.. وقدمت على مدار فترة طويلة برنامج its show time.. ونجوم كتير كانوا بيظهروا معاها عشان حبهم ليها وجوزها أحمد السقا.. لكن اتعرضت لموقف محرج وهي بتقدم مهرجان القاهرة.. واتلخبط وهي بتتكلم على المسرح وكان موقف صعب جدا خصوصا إن السقا كان قاعد في أول صف.
بيزنس مها الصغير وأملاكها الفارهة
النقلة الكبيرة في حياة مها الصغير لما كانت فاكرة إنها اتصابت بمرض السرطان وبعد فحوصات كتير بره مصر اكتشفت إن عندها مرض مناعي نادر.. وكانت محبة صعبة جدا.. بس خلتها تفكر في نفسها أكتر وتشوف هي حققت ايه.. وتبدأ تفكر في إن أحلامها أهم من أي حد تاني.
رحل والدها محمد الصغير مصفف الشعر الشهير.. وسابلها هي وأخوها امبراطورية كبيرة ومجموعة محلات بتحقق دخل كبير جدا.. وبقت مليونيرة وعندها مش بس بيزنس واحد.. لا أكتر من حاجة تقول بيها لنفسها.. أنا عملت اسم مها الصغير.
