الكثير من الفنانيين وقعوا في مواقف غريبة سببت لهم حالة من الإحراج ، وهذا لانهم نسوا انهم على الهواء، وإن خطواتهم محسوبة عليهم وتصرفاتهم سيعلق عليها من الجمهور، وفي التقرير التالي سنوضح أغرب مواقف تعرض لها الفنانين على الهواء فتابعونا:
على ربيع
الفنان على ربيع معروف عنه إنه موهوب وحقق نجومية كبيرة في مسرح مصر، لكن وهو ضيف ببرنامج تلفزيوني بتقدمه سالي شاهين اللي طلبت منه يغمض عينه وجابتله حاجة بيخاف منها ولقاها طالعة عليه وهي شايلة “أسد” وبتقوله علوشي شوفت جبتلك إيه فقاله إيه ياستي في إيه وطلع يجري من الاستديو.
فاطمة كشري ومفاجئتها
فاطمة كشري معروف عنها إنها بدأت حياتها كومبارس لحد ما دخلت التلفزيون سنة 2001 وبدأ يكون ليها ادوار معروفة، وحصل ليها موقف غريب مع الإعلامية راغدة شلهوب اللي كانت مستضيفاها وقالتلها إنها زعلانة منها عشان مجابتلهاش كشري معاها وهي جاية لكنها فاجئتها بإنها كان معاها علبة كشري مخبياها وطلعتها على الهواء في موقف غريب مبيحصلش في التلفزيون أصلًا.
أحلام وإثارة الجدل
ومعروف عن الفنانة أحلام إنها فنانة مثيرة للجدل وليها مشاكل ومواقف غريبة مع فنانين زي الفنان راغب علامة بالتحديد، وفي برنامج سعودي أيدول حصل بينها وبين أصالة موقف محرج في لجنة التحكيم.
ووقتها أصالة كانت هتتكلم لأن الدور جه عليها وأول ما وقفت جنب أحلام ظهر فرق طول بينهم وبين بعض ولكن أحلام وقتها اتصرفت بطريقة خلت أصالة متقعرفش تكمل كلام ومسكت صفارة وقعدت تصفر وده اللي خلى أصالة تستغرب.
أمير كرارة رعب باسكال مشعلاني
وباسكال مشعلاني اللي بدأت مشوارها الفني وهي عندها 20 سنة ومحققة مشوار فني ناجح عندها مشكلة مع القطط واستضافها أمير كرارة في برنامجه “سهرانين” وهو كان عارف قلقها ده لكنه مقدرش يسكت وعملها مفاجأة خوفتها على الهوا لما جاب قطة واتسبب في رعبها جوه الاستديو.
جورج وسوف اعترض على بهاء سلطان
وفي حفل تريو نايت في الرياض بالسعودية كان الفنانين أنغام وجورج وسوف وبهاء سلطان نجوم الحفل بجانب نجوم الغناء في الوطن العربي وكانت فكرة الحفل إن كل 3 فنانين يطلعوا في فقرة يغنوا أغاني بتاعة زمايلهم.
ولإن كل فنان مش حافظ أغاني زميله حصلت مواقف محرجة ومزعجة في نفس الوقت ووقتها غنى جورج وبهاء وأنغام “أي دمعة حزن لا” وأنغام وجورج كرروا الكوبليه أكتر من مرة ولما حاول بهاء يغير الكوبليه رجع جورج وأنغام لنفس الكوبليه اللي كانوا بيغنوه وده اللي خلى بهاء اتعصب على الهوا ووقتها اعترض عليه جورج وقاله إيه يابهاء؟.
خلاف إليسا وأصالة ولطيفة
وكان خلاف أصالة وإليسا تريند من فترة لما كانوا في حفل سوا ومعاهم لطيفة ووقتها كانت لطيفة وإليسا هيغنوا مع أصالة بترتيب معين في أغنية “أكتر” لكن لطيفة وقفت جنب أصالة وقعدوا يغنوا ولما دخلت إليسا متأخرة في الأجواء باظت الأغنية وردود فعلهم فاجئت الجمهور.
