كشف مطرب المهرجانات حسين غاندي، عن علاقته السابقة بالفنان محمد رمضان، وكيف كان جزءًا من بداياته الفنية في الغناء.
علاقة المطرب غاندي بـ محمد رمضان
وصرّح غاندي في لقاءه ببرنامج «آخر اليوم» الذي تقدمه الإعلامية سارة نخلة؛ قائلًا: «محمد رمضان مع كل احترامي ليه، مكانش بيتحرك خطوة إلا لما كان يكلمني الأول، كنت أقف معاه قدام المايك وأقوله قول كذا، يقولي حاضر، في الوقت ده، أمي نفسها مكنتش تعرف مين محمد رمضان».
وأضاف: «محمد كان بيكلمني نص الليل، وكنت أقول لمامتي ده اللي عامل كذا وكذا، لكن لما نجح، مبقاش يرد عليا».
وكشف غاندي أنه كان جزءًا من بدايات محمد رمضان الغنائية: «أنا اللي علمته إزاي يقف قدام المايك وأقوله يعمل إيه، كمان إنستجرام بتاعه أنا اللي عملتهوله لأنه مكانش يعرف يعني إيه إنستجرام، وعندي إثباتات وفيديوهات تثبت كلامي».
أكد غاندي أن محمد رمضان تغيّر بعد نجاحه: «بعد ما بدأ يقف على رجله، مردش عليا، كنت جزء صغير في مشواره، مش هقول جزء كبير، لكن جزء مؤثر، دلوقتي مش هيضيفلي، أنا أخدت المرحلة دي من بدري».
