ردت الفنانة إنجي المقدم على الانتقادات التي تعرضت لها بسبب إطلالتها الجريئة في مهرجان الجونة السينمائي، خلال ظهورها ضيفة ببرنامج “أسرار النجوم”، على إذاعة “نجوم إف إم”.
وعلقت “إنجي”، على إطلالتها في مهرجان الجونة: “كان فيه إطلالتين، الأولى كانت في يوم الافتتاح وردود الفعل كانت عظيمة، والإطلالة الثانية أنا أعتقد إنها كانت غير موفقة، رغم وأنا بختار الملابس كنت شايفة إن الموضوع لطيف جدا”.
أول رد من إنجي المقدم على انتقادات فستانها الجرئ
وأضافت: “كنا بنختار مبسوطين أنا والاستايلست والديزينر، بس الصراحة كنت مستعجلة أوي اتكروت وأنا بلبس وبجهز، واتخضيت لما شفت الصور، مكنتش شايفة كدة في الحقيقة ومكانش الشكل كدة في الحقيقة خالص”.
وتبعت: “يمكن لأن الفستان مبطن نفس لون الجسم، لكن في الصورة مش باين، وشكله مش لطيف أبدًا في الصور، والحقيقة مكنش كدة، لما شوفت الصور أنا عن نفسي مانبسطش من نفسي خالص، وماضيقتش من الانتقادات لأن فعلا كان عندهم حق”.
وفي وقت سابق، كشفت الفنانة إنجي المقدم عن تعرضها للتحرش وهي في سن الـ 16، موضحة أنها دائمًا ما تذهب إلى الطبيب النفسي، وذلك خلال لقاء لها في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس.
وقالت إنجي المقدم: “تجربة التحرش في 16 سنة أثرت جوايا وعندنا حاجات في العقل الباطن وبتتخزن وبنعمل نفسنا مش واخدين بالنا بس بتطلع في أوقات وتتصرفي تصرفات غريبة.”
وأضافت: “قولت لأهلي لما حصلي تحرش وكانت صدمة كبيرة بس أهلي كانوا في ضهري بس الشغل على الأثر النفسي مشتغلناش عليه بس الجيل واهلنا مكنش عندهم الوعي.”
وأكملت: “كان في موقف من أهلي بس الموقف عدى ومفيش حد اشتغل على الأثر النفسي ومؤخرا بتعامل معاه.”
اقرأ ايضا:
