شاركت الفنانة إنجي وجدان، متابعيها مقطع فيديو لها، على حسابها الشخصي، على موقع تبادل الصور والفيديوهات إنستجرام.
وظهرت إنجي، خلال الفيديو وهي منهارة من البكاء بسبب الأحداث الأليمة في فلسطين.
وقالت إنجي، في الفيديو: واللي بيحصل ده كتير، ومعظمنا مش بيحب يتكلم في السياسة ويتدخل في أي حوارات، بس كدة كتير الأطفال اللي عمالة تموت وضرب مستشفيات.
وأضافت إنجي وجدان: « ضرب كل حاجة، هي حرب ما بين سياسات، يحاربوا هما بعض، بيدخلوا الأطفال والبني آدمين ليه، كلنا قاعدين مش عارفين نعمل إيه.. وأنا مش عارفة أعمل إيه وغيري كتير.. ومعرفش طالعة بعمل الفيديو ده ليه.
وأردفت: اللي أقدر أقوله إن ده حرام والله اللي بيحصل ده، حرام وربنا كبير وشايف كل حاجة، ولو متعاقبتوش دلوقتي هتتعاقبوا بعدين وكل واحد بيدعم اللي بيحصل ده ربنا هيحاسبكم.
وكان قصف الكيان الصهيوني لمستشفى المعمداني في غزه أثار حالة من الحزن عبر منصات التواصل الاجتماعي، حيث أصيب النشطاء العرب بحالة من الصدمة خاصة بعد سقوط عدد كبير من الضحايا والأطفال.
وصل عدد شهداء مستشفى المعمداني في غزة من جراء قصف الاحتلال الإسرائيلي لها إلى أكثر من 810 شهيدا، وفقا لما أعلنته وزارة الصحة في غزة.
