ابنة عبلة كاملة تثير الجدل بصورها الجريئة

من يعرف حياة عبلة كامل الآن والحديث الذي يدور هن  إنها اعتزلت وإنها ماسكة المصحف والسبحة ومعتكفة للعبادة لا يرى بنتها فاطمة وما تفعله على السوشال ميديا.

لدرجة إن البعض بيعتبر البنات هما السقطة الوحيدة في حياتها يعني عاشت عمرها في الفن لا بوسة ولا لفظ لحد البنات ما يعملوا كده ويسمعوها كلام ملوش لازمة، وفي الفيديو ده هنتكلم عن جرأة فاطمة وأختها زينب ومتجوزين مين وليه باباهم سمح بكده.

بره الدايرة

الفنانة عبلة كاملة كانت اتجوزت فترة في حياتها من الفنان أحمد كمال، يعني اتخطبوا سنة 1979 وبعد ما اتخرجوا من معهد التمثيل، بدأوا حياتهم الزوجية، وعلطول خلفوا التوأم فاطمة وزينب، بس بعد سنين من الشغل ونجم عبلة كامل بدأ يلعلع في سماء الفن خدت قرار الانفصال واتفرغت للفن، وزي ما قال طليقها إنهم بدأوا رحلتهم مع بعض، بس كان إيقاع الرحلة دي أو ظروفها مشيت أسرع في الشغل وده أثر على حياتهم كزوجين، وهوب اتطلقوا.

ويمكن عشان عبلة اتجوزت بعدها بكام سنة من محمود الجندي مع تفرغها للفن البنات بقى خرجوا بره الدايرة وتقريباً اللي بيحصل دلوقتي نتيجة الحرية الزيادة عن اللزوم وبقوا هما العقبة في حياة عبلة كامل بعد ما سابت الفن اللي سابت عشانه بيتها وجوزها في يوم من الأيام ومتفرغة للعبادة دلوقتي.

فاطمة وزينب

عبلة كامل عمرها ما اتكلمت عن بناتها، دي أصلا مش بتتكلم عن نفسها عشان ظهورها قليل بس حياتها الشخصية الناس مهتمة بيها وبقت زينب وفاطمة هما اهتمام الناس بشكل أكبر دلوقتي وكمان فاطمة فتحتها على البحري خالص، المهم أحمد كمال اتكلم قبل كده عن جوز فاطمة وقال ده بولندي الجنسية، واتعرفت عليه في مصر واعتنق الإسلام عن قناعة بسببها وخلفت منه بنتين، وزينب متجوزة رجل إنجليزي وبتشتغل معا في مجال علم التاروت والنبوءات، وعندها بنتين وعايشين أغلب الوقت في مدينة دهب.

وبخصوص إجراءات الجواز مكانش فيها تعقيد هما قرروا يتجوزوا أجانب وأنا وافقت عشان ده اختيارهم وهما اللي هيعيشوا، الفرح كان عائلي وأكلنا السمك والأرز، ومكلفناهمش ولا شبكة ولا مهر ولا قايمة وعبلة كامل هي اللي عملت الأكل وأشرفت على الجوازتين.

بتتنفس حرية

اللي جاب سيرة بنات عبلة كاملة تاني وتحديداً فاطمة كمال، إنها احتفلت من كام يوم بعيد ميلادها وجاتلها رسايل تهنئة، ونشرت صور ليها على حسابها في إنستجرام، وكانت إطلالتها جريئة واتفاجئ بيها كتير من المتابعين عشان أصلا نشاطها قليل.

وعشان الجمهور يبقى عارف إن جوز فاطمة البولندي، اسمه جاوليشيك باول، وهي متخصصة في مجال التغذية ومهتمة بالفن واشتغلت في أفلام قصيرة ومسرحيات كهواية، وكمان هي أخصائية تغذية تكميلية ومدربة تغذية صحية في أحد المراكز الكبرى، ودرست في معهد التغذية، والجامعة الألمانية بالقاهرة، وبتهوى فن الرقص.بسمة بوسيل.. اللي حاولت تلم الدور كتير بس مبقاش نافع خلاص.. كل شيء انكشف وبان يا نجم الجيل.