حلت الفنانة ميار الببلاوي، اليوم الإثنين، ضيفة ببرنامج “العرافة” المذاع على قناة “النهار”، والذي كشفت فيه عن أسرار حياتها الخاصة.
وقالت ميار الببلاوي: :”أنا باتجوز على سنة الله ورسوله، واتجوزت 5 مرات منهم زيجة رجعت فيهم لشخص كنت متطلقة منه وعمري ماتجوزت في السر”.
“اتطلقت 11 مرة واتجوزت 5 بدون محلل”.. ميار الببلاوي تفاجئ الجميع بأسرار مدوية
وأكملت ميار الببلاوي: ” جوزي طلقني 11 مرة واتجوزنا كتير، بس هو أول حب في حياتي وأول راجل اتجوزته في حياتي وأنا هو مخلفناش من بعض وعندنا عدم تجانس في الدم مننفعش نخلف فانفصلنا واتجوزت غيره ورجعتله”.
وتابعت: “جوزي الحالي اللي حجزني في بلده وأنا حبسته في مصر هنا، وهو كان متغاظ اني خرجت من البلد من غير ما هو يعرف، ووقتها كنت رجعت واخدت ابني وسافرت ورفعت عليه قضية وحبسته في عز الثورة”.
وواصلت: “أنا وجوزي الحالي كنا دايما بنسيب بعض بمشاكل، واتطلقنا واتجوزت أبو ابني وخلفت منه وبعدين رجعت لطليقي اللي هو زوجي الحالي، بس ماتجوزتش من محلل علشان أرجع له، بس هي المشكلة اننا عصبيين جدا وكل شوية بيحصل كوارث واحنا متجوزين رسمي وانا ووثقته في مصر بس هو موثقش لسه في بلده”.
وفي وقت سابق، أعلنت الفنانة والإعلامية ميار الببلاوي إلغاء برنامجها الديني في شهر رمضان المقبل ٢٠٢٤.
وكتبت ميار في منشور عبر حسابها على “فيس بوك”: “بجد حزنت من قلبى رمضان شهر الدين بلا دين، قدر الله وما شاء فعل. اتقهرت من قلبى وأفوض أمرى إلى الله إن الله بصير بالعباد.. أحيانا بيكون القرار صعب اوى بس لازم لحفظ الكرامة ادعولى اه ياامى محتجالك.”
وتابعت : “بحبكم اوى ومقدره زعلكم عليا ربنا يخليكم ليا كلكم بس سامحونى لأني تعبانة جدا ومش قادرة اتكلم”.
اقرأ ايضا:
“كل يوم 24 ديسمبر”.. ميار الببلاوي تكشف سر طلاقها أكثر من مرة
