قالوا عنها أجمل ممثلة في جيلها، والفنان سمير غانم قال مقدرتش أمسك نفسي، وأول ما شوفتها روحت قولتلها ايه القمر دة، لقبوها بقطة الشاشة، وأميرة السينما المصرية،نتكلم عن الفنانة مديحة كامل، واليوم سنحكي لكم قصتها.
ولدت الفناة مديحة كامل في محافظة الاسكندرية سنة 1964، وكانت عاشقة للتمثيل من صغرها، فكانت بتشترك في الفرق المسرحية في المدرسة، ولما كبرت نقلت محافظة القاهرة، و دخلت كلية الآداب جامعة عين شمس، واشتغلت في بداية حياتها في مجال الأزياء والموضة، عشان تبدأ بعد كدة رحلة التمثيل بأدوار صغيرة…
أسرتها مكانتش موافقة على موضوع التمثيل دة، فمع أول عريس جالها وقالها أنا موافق تشتغلي في الفن اتجوزته فورا، فاتجوزت وهي عندها 17 سنة من رجل الأعمال محمود الريس وخلفت منه بنتها الوحيدة ميرهان
بعد كدة اشتغلت في أدوار صغيرة زي دورها في فيلم فتاة شاذة مع شويكار ورشدي أباظة لكن للأسف الفيلم اتسبب في انفصالها، لأن بعد الفيلم الاشاعات كترت عليها، وقالوا دي بتخون جوزها عايشة قصة حب مع رشدي أباظة.. وشوية وقالوا لا بتخون جوزها مع أحمد رمزي.. لحد ما هوب جوزها طلقها
مديحة كانت عاوزة تكمل مسيرتها الفنية فاتجوزت من المخرج شريف حمودة على أمل إنه يساعدها ويخليها تمثل ويجيبلها أدوار أكتر، لكن لقيته لا بيساعد ولا بيعمل حاجة فاتطلقت للمرة التانية
جوازتها التالتة كانت أجمل جوازة ليها، ودة لإنها اتجوزت في المرة الأخيرة من المحامي جلال الديب، وقالت إنه اكتر حد هي حبته في حياتها، لكن برضه انفصلوا عن بعض ودة لانه بيسافر كتير وكان بيرفض ياخدها معاه.. وانتهت الجوزاة بالطلاق.. لكنه كان راجل كويس فبنتها ميرهان قالت عنه كان بيعاملني كأب وخاصة انه اتجوز والدتي ومخلفش منها وكان وقتها عندي 6 سنين، وفأنا عشت معاه أنا وأمي حياة سعيدة ولكن كانت قصيرة”.
سنة 1978 عملت مديحة كامل فيلم كان نقطة تحول في تاريخها الفني،، قدمت دور البطولة في فيلم “الصعود إلى الهاوية” مع محمود ياسين، عن قصة سقوط الجاسوسة في ايد الموساد الاسرائيلي، ووقتها اعتذرت أكثر من فنانة عن تقديم الدور لانه كان جرئ جدا، وقدمته مديحة كامل وبعدها كملن أعمالها في إطار الإثارة والجرأة.
عام 1992 كانت المرحلة الأخيرة في المسيرة الفنية لقطة الشاشة، فقررت تسيب عالم التمثيل والشهرة وهي في قمة نجوميتها، ودة كان وقت تصوير فيلم “بوابة إبليس”، اللي كان آخر أعمالها ورفضت تكمل تصوير المشاهد الفاضلة ليها في الفيلم، فاضطر مخرج الفيلم يكمل بدوبليرة
تعبت مديحة من المرض لسنين طويلة بسبب مشاكل في القلب.. واتصابت بجلطة خلال تصوير مسلسل الأفعى عام 1975، وقالوا عنها،، وانتشرت إشاعات إن عندها سرطان الثدي، لكن الكلام دة مكانش حقيقي ، و بنتها نفت كدة وقالت أنها اتصابت بالروماتويد ومياه على القلب، وقبل وفاتها ظلت 10 شهور طريحة الفراش لحد ما ماتت في شهر رمضان بعد أدت صلاة الفجر
