الحياة بقى لونها بمبي، لم تكذب سعاد حسني عندما غنت هذه الأغنية من سنين طويلة وكأنها كان عندها نظرة مستقبلة عن ما سيحدث ، وفعلا كل شئ هذه الأيام أصبح لونه بينك في بينك ، والدنيا تحولت لعالم كبير بمبي ، حتى جوجل أصبح نفس اللون ، ياترى ايه اللي بيحصل وفي ايه عشان الدنيا يحصل فيها كدا؟
كل الحكاية ان فيلم باربي الجديد تم طرحه في السينمات في دول كتير في العالم ، وطبعا كلنا عارفين العروسة باربي اللي كلنا اتربينا عليها زمان وكنا بنحب الافلام دي ، واول ما بتسمع كلمة باربي اول حاجة بتيجي في دماغك ي عروسة شكلها حلو لابسة فستان بينك وشعرها اصفر.
فيلم باربي الجديد نزل في السينمات ، لكن اتعلمه كم دعايا بطريقة مختلفة وافكار خارج الصندوق مش هتصدقها ، كل المحلات والماركات والمطاعم استغلوا طرح الفيلم وعملوا كل حاجة عندهم باللون البينك.
نفس فكرة اللون الأحمرفي الفلانتين لما بيقرب في شهر فبراير بنلاقي الدنيا كلها احمرت فجأة وقلوب ودباديب ولبس احمر ، وده احتفالا بعيد الحب
هو ده اللي حصل برضه مع فيلم باربي ، لدرجة انك لو فتحت جوجل وكتبت كلمة barbi هتلاقي فجأة الشاشة اتحولت للون البينك ، وبدأت تظهرلك نجوم وقلوب بينك في بينك.
محلات وماركات مشهورة منها عرضت ملابس باللون البينك بس ، منها ماركة زارا المشهورة اللي عملت مجموعة باربي للنساء والاطفال وفيها 85 استايل باللون ده ، كمان عملت بدل للرجالة باللون البينك ، اذ ربما حد دماغه تحيبه انه يلبس هو كمان لون باربي، وقدموا استايلات قمصان مختلفة شبه قمصان حبيب باربي في الفيلم ، وطبعا دي هتبقى موضة الشباب الفترة الجاية.
الموضوع كبير لدرجة ان فندق هيلتون و حياة ، علوا أجنحة فندقية عندهم على طراز بيت باربي ،بنفس الديكورات والألوان والاستايل اللي كنا بنشوفه في الكارتون زمان ، بس طبعا ده متعملش في كل انحاء العالم، لكن في بعض الدول بس منها كولومبيا وماليزيا.
كمان في مطاعم عملت وجبات أكل كلها باللون البينك ، زي دونتس عليها صوص بينك ، وكمان وجبة ساندوتش برجر عليه صوص لونه بينك ، ومعاه عصير بينك طبعا ده ميلك شيك فراولة فمدي علي بينك.
فيلم باربي اتعرض في فرنسا يوم 19 ، وفي المجر يوم 20 ، اما في امريكا بدأ عرضه يوم 21 يوليو ، وكانت طوابير الناس اللي داخلة السينمات كلهم لابسين بينك وكأنه عيد قومي.
كمان سلسلة وول مارت الشهيرة بصنع العرايس ، عملت اصدار جديد من عروسة باربي ووصل سعرها 45 دولار ، طبعا دي مختلفة خاصل عن عروسة باربي اللي كنا بنشتريها زمان واحنا صغيرين بعشرة جنيه.
هوس البنات ب باربي و لبسها جه مصلحة لكتير من المحلات ، وبقى في اقبال كبير جدا على شراء كل الهدوم البينك ، وكمان الاكسسوارات ، والبرفانات والشنط ، حتى في الميكب برضه.
البنات بطبعها بتحب اللون البينك ، اغلبيتهم يعني، والايام دي هتلاقي موجة بينك كدا اجتاحت انستجرام طبعا عشان يستعرضوا الكلام ده كله بالتزامن مع عرض فيلم باربي.
نجاح فيلم باربي الجديد بيرجع لعشاق العروسة دي من زمان ، وتحديد البنات اللي ليهم الفضل دلوقتي في كل الحياة البينك اللي احنا عايشينها دي ، ومن اول ما الشركة المنتجة أعلنت عن برومو الفيلم ، حقق 5 مليون مشاهدة ، وطلع تريند على مواقع التواصل الإجتماعي
بطلة فيلم باربي هي الممثلة الامريكية مارجوت روبي ، وهي دلوقتي اشهر ممثلة في العالم بفضل الفيلم ده ، اما حبيبها في الفيلم عامل دوره الممثل ريان جوسلينج ، وبدأ ينتشر صور للثنائي من الفيلم اللي بتدور قصته عن باربي اللي بتخرج من المدينة الخاصة بيها اللي كلها بينك والوان وردية ، لكنها بتواجه مشاكل كتير بمجرد خروجها
ده مش مجرد فيلم عادي شبه الكارتون ، لكن التقديرات بتقول ان ميزانية الفيلم ده وصلت 100 مليون دولار ، وبكدا يبقى فيلم باربي من اضخم الانتاجات السينمائية في سنة 2023
ياترى فيلم باربي يستحق كل الجدل ده ؟
