يبدو أمن هذا العام كان من أصعب العوام التي مرت على المطربة شيرين عبد الوهاب ، حيث مرت بمشاكل لا حصر لها مع طليقها حسام حبيب وعانت من مشاكل نفسية كثيرة ، آخرهم مشكلة احتجازها في مستشفي للأمراض النفسية، وادعاءها أن اخويها اخذها بالقوة، فما حقيقة المر وماذا يحدث؟ هذا ما نتعرف عليه من خلال التالي:
شيرين عبد الوهاب وحسام حبيب
صوت جميل ودافى موهبة كبيرة بدأت من الصفر، تعبت اوي وعانت لحد ما عملت كيان اسمه شيرين عبد الوهاب، وكانت مستقرة السنين اللى فاتت ودايما بتشكر في جوزها حسام حبيب المطرب.
لحد ما بدأت مشاكلها معاه من طلاق لرجوع لمحاضر و اتهامات بسرقة عربيتها، والآخر تصالح بين الطرفين وتنازل عن القضايا ورجعلها عربيتها حسب كلام محاميها.
والكل افتكر أن خلاص باب المشاكل خلص وبدأت شيرين ترجع لحفلاتها ومنها حفلتها في جامعة مصر من اسبوعين
كمان اتفقت على حفلة كبيرة جدا في اخر اكتوبر في الكويت.
كمان ظهرت من قريب للمرة التانية مع صاحبة السعادة اسعاد يونس واكدت انها خلاص وقفت على رجلها، عشان نتفاجأ امبارح أن الدينا مقلوبة، وان شيرين محتجزة في مستشفي للأمراض النفسية وان اللى عمل كده اخوها بعد ما حصل مشادات بينهم وصلت لمد الأيد، وان حسام حبيب وسارة الطباخ مساعدتها السابقة واقفين عند المستشفى وبيندهوه عليها من تحت وهي بتستنجد بيهم وبيطمنوها ، أنهم هيتصرفوا ويخرجوها.
شيرين عبد الوهاب والمخدرات
لكن الإعلامي عمرو أديب عمل مداخلة هاتفية امبارح مع اخوها محمد عبد الوهاب، اللي قال حقائق صادمة وقال إنه فعلا جاب قوة من مستشفي نفسي شهير ألزمت شيرين بالنزول معاهم ودخول مستشفى غصب عنها،وده مش بمزاجها .
ولما سأله المذيع ليه كل ده، قاله أن شيرين وحسام بيتعاطوا الممنوعات من فترة كبيرة جدا، وأنه اكتشف مكان ليهم في شقة مؤجرة باسم شيرين في التجمع الخامس، ولقاها مع حسام من ثلاث ايام فاخدها المستشفى، وان تقرير المستشفى بيقول أن شيرين قدامها شهر للعلاج ومن الصعب تخرج وهو كاخوها مش هيسيبها تخرج إلا لما تتعافى.
وقال أنه اضطر يقول أن شيرين عندها رباط صليبي من ثلاث ايام عشان خايف على شغلها والتزامها، لكن بعد ما تقدم فيه بلاغ من محامي شيرين أنه مد أيده عليها كان لازم يوضح الحقيقة.
وقال ان حسام بيستغلها وعايز يرجعلها تاني وان معاه عصابة بتبتزها ماليا منهم سارة الطباخ واسماء تانية صعب ينوه عنها
وان موقفه القانوني سليم وان النيابة بتحقق مع المستشفى وهتتأكد من صحة اقواله.
الكلام ده صدم الجمهور وصدم عمرو اديب اللى طالب النيابة بالتحقيق أن لو فعلا شيرين تعرضت للنوع ده من تعاطي الممنوعات فلازم تتعالج.
ولحد دلوقتي شيرين بقالها ثلاث ايام في مستشفى تحت تعهد اخوها واهلها، اللي مصممين على أبعادها عن حسام حبيب مهما كان التمن عشان تتعافي وترجع لبناتها وجمهورها، بنتمني لشيرين السلامة والتعافي، واكيد هنتابع كل جديد بخصوصها.
