بتحب الفلسفة والفن من طفولتها، وتألقها على مستوى الشاشة لم يكن غريب، من وهي صغرة كانت تذهب مع والدها السينما، وكانت طفلة شقية، وحتى سن الـ 13 لم تمن تعرف تعيش حياة البنات عادي، وكانت تلعب كورة في الشارع وتحرز أهداف وعايشة حياتها مع الولاد، والفلسفة كانت هي عشقها، وموقف أهلها من التمثيل كان مختلف.. هي الفنانة ندى موسى
الفنانة ندى موسى من الممثلات اللي ليهم طلة ومميزين جدا على الساحة الفنية، يمكن مبقتش لسة نمبر وإن أو من نجوم الصف الأول، ولكن هي رايحة للسكة دي، معجونة تمثيل، وبتحبه من لما كان عمرها 7 سنين، أول مرة تقف على خشبة مسرح مع والدها، وقالتله أنا هبقى ممثلة.
ندى موسى هي البنت اللي شفناها محجبة في «خطوات الشيطان» مع معز مسعود، وبعد كدة شفناها في أدوار تاني فقولنا ليه قلعت الحجاب؟ مع إن هي أصلا مكنتش محجبة، بس هي اتشهرت وثبتت معانا على الشكل ده، وهي اللي لما حبت تبدأ تمثيل راحت للفنان محمد صبحي وكان بيعمل الجزء الأخير من ونيس، وقالتله عايزة أمثل، فقالها تمام نعمل اختبار، ونجحت واشتغلت معاه.
هي اللي ظهرت في هبة رجل الغراب، وهي اللي راحت اتعلمت الرقص عشان تلعب دورها مع محمد رمضان ودينا الشبربيني في المشوار، وخدت عنه جايزة أفضل ممثلة دورة تاني من مهرجان القاهرة للدراما.
وفي موسم رمضان ده بتظهر بدور الدكتورة الصعيدية في مسلسل عملة نادرة مع الفنانة نيللي كريم، وكمان بتظهر بدور تاني في مسلسل سوق الكانتو، ولكن الأخير ده دور شرفي.
هي ممثلة متنوعة، وبتحب الفن، وبتقول إنها لما قررت تدخل معهد الفنون المسرحية والدتها مكنتش موافقة، لأنها مكنتش عايزاها تدخل المجال ده خالص، لدرجة إن في مرة كان عندها امتحان ومامتها مكنتش عايزاها تروح، فهددتها بإنها هترمي نفسها من الدور السابع، وكمان اشتغلت شغلانات كتير عشان تصرف على نفسا لما والدتها منعت عنها المصروف عشان مكنتش عايزاها تمثل.
من الواضح إن هي فنانة متمردة، وصاحبة مزاج معين، لأنها في الأساس عشقت الفلسفة من وهي صغيرة، بسبب الكتب الكتير اللي كانت عندها في البيت فيم كتب باباها.
الفنانة ندى موسى لأنها مرتبطة ذهنيا عند الجمهور بإنها شبهنا والبنت العادية اللي كانت محجبة في حدائق الشيطان، الجمهور مبيتقبلش منها إنها تظهر بلبس مفتوح أو قصير، ولما مرة نشرت صورة ليها وهي لابسة مايوه اتعرضت لهجوم كبير، والبعض قال إن ده مش مناسب لعاداتنا وتقاليدنا.
ندى موسى شاركت في عدد من كبير من الأعمال الفنية، ولعبت شخصيات متنوعة ومختلفة، وبتبذل أقصى مجهود عشان تقدم دورها بشكل سليم، حتى لو كانت هتيجي على صحتها، وده حصل في مرة لما زقت نجلاء بدر عشان تبعد عن مكان تصوير مشهد في مسلسل بين السماء والأرض، لأنها اتخنقت من الزحمة والمكان الضيق وحست إنها مش عارفة تتنفس.
ندى موسى حلمها كبير.. لدرجة إنها بتحلم إن هي في يوم من الأيام تحصل على جايزة الأوسكار.. وبنقولها إنتي قدها يا ندى.
