كشفت الفنانة بدرية طلبة عن أكثر لحظات الرعب التي عاشتها في حياتها، وذلك في برنامجها من غير نفسنة والذي تقدمه مع الفنانة انتصار ونوليا، عبر شاشة قناة “هي”.
وقالت بدرية طلبة: “لحظة الرعب والخوف دي أيام ما كنا لسة مركبناش الغاز الطبيعي وبتاع الأنابيب يجي يركبلي أنبوبة، أنا كنت برتجف من جوايا، خاصة في لحظة لما يجي يأكد أنها مش منفسة ويولع عود كبريت أو ولاعة.”
«أسوأ لحظات حياتي».. بدرية طلبة تروي موقف مرعب لأولادها مع الأنبوبة
وتابعت بدرية طلبة: “ببقى مش خايفة على نفسي قد ما خايفة على أولادي، مرة الأنبوبة كانت منفسة، ودي كانت أسوأ لحظة عشتها.”
من جانبها، ردت عليها انتصار: “مرة نفست وجريت وبصيت من بعيد افتكرت أن أخويا واقف بيحاول يقفلها.”
يذكر أن الفنانة بدرية طلبة نشرت عبر صفحتها الرسمية على موقع التواصل الإجتماعي الشهير “فيسبوك”، فيديو كشفت فيه عن رأيها فى تصريحات المذيعة ياسمين عز.
وقالت ساخرة: “إيه يا ياسمين إحنا ماشيين بالعلاج، كل واحدة فينا فيها اللى مكفيها، اللى متجوزة ومستنياها تقول يا أستاذ محمد فيها اللي مكفيها، بدل ما تطول فى المد بالألف مفيش وقت الناس بتكح تراب وانتي جاية تقولي لها مدي بالألف، يعني الكلكعة اللي في قلبي منك زادت”.
وأضافت: “أنا لو قلت كده هيديني بطبق الملوخية فى وشي، إنتي بتوقعي توقيع غير مشروع وممكن تكوني قاصدة منه خير”.
وتابعت: “والله يا ياسمين يوم ما كنت يا قلبي، أحس إني في إيه، لا وقت للدلع المرق، بصي يا ياسمين إنتي خلتينا فعلا نكلم نفسنا”.
