علق الفنان إياد نصار، على إجراء الفنانات عمليات تجميل لإخفاء علامات التقدم في العمر،وذلك خلال تصريحات تلفزيونية له.
وقال إياد نصار: التقدم في العمل مش موضوع مربك بالنسبالي، ولكن في ضغط على موضوع السن على البنات والممثلات، وبيزقوا الممثلة أنها تعمل حاجات مش حقيقية وبيكون في ضغط من الصناعة.
وأضاف نصار: بشفق على الممثلة وبحترمها جدًا أكتر من الممثل الراجل.. واللي اخترت المهنة دي اخترت مهنة مش سهلة وعليها ضغط كبير جدًا، والممثلات مظلومين أكتر من لاعيبه الكورة وعمرهم أقصر.
واستكمل إياد حديثه: احنا شاطرين في التريقة لما نلاقي ممثلة أنها عامله بوتكس أو تجميل، طب اقبلها في أي حالة هي فيها وريها أنك بتحبها على أي شكل هي في.
وعن رأيه في أن البكاء عيب، أوضح إياد: البكاء علامة إنسانية لازم تبكي.. عيب أن الإنسان ميبكيش بقلق منه.. اللي مش بيبكي بيكون دخل في مرحلة الجنون، وأكتر شخص مهوس بفكرة لازم نشفق عليه.. متثبتش على حاجه خليك متغير في أفكارك.
اقرأ أيضًا: فنانة شهيرة تعلن بكل جرأة: معنديش مانع أتجوز امرأة
