![الفنان محمود عامر يصاب بداء خطير](https://www.l2tat.com/wp-content/uploads/2024/02/%D8%A7%D9%84%D9%81%D9%86%D8%A7%D9%86-%D9%85%D8%AD%D9%85%D9%88%D8%AF-%D8%B9%D8%A7%D9%85%D8%B1-%D9%8A%D8%B5%D8%A7%D8%A8-%D8%A8%D8%AF%D8%A7%D8%A1-%D8%AE%D8%B7%D9%8A%D8%B1.jpg)
حياته تبدلت تماما بعد أيام من زواجه والذي أشعل السوشيال ميديا /ن والأن أصيب بداء خطير وأبنائه يقاطعونه ولا يردون على مكالماته، ماذا حدث للعريس السبعيني محمود عامر بعد زواجه بأيم؟
هل محمود عامر ندمان على جوازه من عروسة من دور عياله؟.. إزاي جاب سيرة مراته الأولانية وعيط على الهوا؟.. ليه الكل جاي عليه كده؟ وإزاي عايش وحيد بين 4 حيطان؟.. اللي حصل للعريس محمود عامر محدش هيصدقه ولا يخطر على البال .
عمال يحايل ويدادي يتصل محدش يرد عليه الكبير العاقل اللي بيقول عليه ده سندي في الحياة ربنا كان أول واحد نفضله.. والتاني مشغول في دراسته ومش فاضي ولا عاوز يشغل باله.. وحتى البنت اللي حبيبة قلب أبوه هي كمان مردتش عليه ولا بتسأل فيه.. العيال زي ما يكونوا بيربوه على عملته اللي عملها.
بس هو عمل إيه يعني ده اتجوز على سنة الله ورسوله.. محمود عامر قعد3 أيام عايش معاناة مع التليفونات على ولاده وفي الآخر عيط ومراته اللي من دور عياله كانت هي الإيد اللي بتطبطب عليه.
قالته متشيلش هم يا أخويا أنا جنبك ومعاك أهو بكرة يعقلوا ويردوا ويجوا يزوروك كمان.. محمود عامر اترمى على كتفها وقعد يعيط على اللي حصل.
وبدل ما يبقى ندمان على اللي حصل عشان عياله مقاطعينه قالك دي مراتي اللي شالتني في عز وحدتي ونشلتني من الغرق بعد ما كنت في الضياع ده أنا بدعي ربنا يرزقني برزقها واجيبلها نجمة من السما.
بس اللي محدش يعرفه بردوا إن محمود عامر جاب سيرة مراته الأولانية ((بالتلميح وليس بالتصريح)).. ((أيوه خدوا بالكم كده)).. بيحكي لولاده بقى.. هو انتوا مكنتوش شايفين اللي أنا كنت عايش فيه قبل ما اتجوز ده انتوا اللي عشتوا معايا وشاهدين على اللي حصلي يا ولادي هو انتوا صغيرين يعني.
ده كل حاجة حصلتلي على يدكم.. طيب مشوفتوش الوحدة اللي أنا كنت فيها بعد ما أنا وأمكم سيبنا بعض.. حد فيكم يعرف إني جالي داء السكري العرضي.. واللي بفضل مرات أبوكم بعد ربنا خفيت منه وربنا نجاني.. عموماً يا ولادي أنا بحبكم بس اوعوا تنسوني.
كلام محمود عامر يخليك تعيط عليه وعلى حاله واللي حصله بعد جوازه.. لكن هو معملش حاجة غلط وشايف مراته اللي من دور عياله هي اللي سانداه دلوقتي بعد ربنا. بيشكي همه وحاله وشاهدة على كل اللي بيحصل من ولاده.
لكن بردوا ولاده أكيد عندهم الأسباب اللي تخليهم ميردوش عليه يعني هما كبار مش صغيرين وقادرين يشوفوا إن جوازه في السن ده أو الخطوة الغير متوقعة دي مش صح إنه ياخدها لكن في النهاية هو معملش حاجة غلط.. الجمهور قاله عيش حياتك يا أستاذ محمود محدش واخد منها حاجة.
ولاد محمود عامر 3 هما إبراهيم وده شغال مدير تصوير سينمائي وأبوه قاله انت السند والضهر وابني البكري اللي هتعكز عليه.. بيتتمنى ربنا يرزقه ببنت الحلال اللي تسعده ويعيش معاها في تبات ونبات.. والتاني هو محمد وده لسه بيدرس في رابعة مونتاج معهد السينما وده قاله انت هتكون حاجة كبيرة أوي ونجم وهتشرف العيلة كلها.
أما التالتة تبقى أميرة عامر اسم ورد علينا قبل كده هي مطربة شابة متجوزة ومعاها بنت وبتحلم تكون مطربة وملحنة كبيرة ومشهورة في يوم من الأيام.. وأبوها قالها إنتي حبيبة عمري وإن شاء الله تحققي كل اللي بتتمنيه.. في النهاية قولولنا في التعليقات إيه رأيكم اللي عمله ولاد محمود عامر معاه بعد أيام من جوازه؟ ويا ترى هيفضلوا مقاطعينه ولا ربنا هيحنن قلبهم عليه ويكلموه؟.