حل الفنان رامي جمال، الساعات الماضية، ضيفًا مع الإعلامية أسما إبراهيم ببرنامج “حبر سري”، المُذاع عبر شاشة “القاهرة والناس”، حيث كشف أن لديه مشكلة لها علاقة بالإنجاب.
من جانبها، وجهت الفنان إيناس عز الدين، رسالة للفنان رامي جمال، على صفحتها بـ “فيس بوك”.
رسائل من إيناس عز الدين لـ رامي جمال
زقالت إيناس:”لا تدري ولا تعلم يا فنان ربنا حاش وشال عنك إيه ممكن يكون شال عنك طفل مريض تعيش عمرك كله بتتعذب بعذابه”.
وأضافت: “ممكن يكون شال عنك طفل ييجي الدنيا يسرق قلبك وروحك ويتوفاه الله في غمضة عين قبل ما تلحق تشبع بيه، وممكن يكون شال عنك ابن عاق تعيش عمرك كله مقهور من قساوته، وممكن يكون شال عنك ابن يكبر قدام عينيك لحد ما تشوفه عريس ويتخطف في ثانية من بين إيديك قبل ما تفرح بيه”.
واختتمت قائلة: “ممكن حاجات كتير قوي ربنا حماك منها وأكيد عوضك عنها بحاجات تانية منها نجاحك وحب الناس ولسه كل ما هترضى أكتر وتحمده وتبقى على يقين إنه اختار لك الأفضل كل ما هيرزقك بخيره وفضله ونعمته أكتر وأكتر”.
وفي وقت سابق، قال رامي جمال: «كان نفسي يكون عندي أطفال وربنا يبارك في كل اللي ربنا رزقهم، وأولاد اخواتي هم أولادي وبحبهم من قلبي، ومش بفكر في الموضوع زي الأول، ولكن كل همي زوجتي لأنها لا تعانى من عدم الإنجاب».
واختتم: ““أنا راضي يارب والله واللي يضايقني أن عدم الإنجاب يسبب مشكلة لأهلي وزوجتي، وبتمنى الإنجاب ولكن لم يشغل تفكيري الآن، الحمد ليس في العطاء فقط وإنما في المنع أيضا، وعدم الإنجاب شيء لا يزعجني كثيرا، لان الإنسان لا يحصل على كل شيء”.
