ردت شيرين عادل زوجة النجم رامي صبري على الهجوم الكبير الذي قام به ويجز على رامي صبري، بعد تصريحاته الأخيرة في أحد البرامج التليفزيونية.
ونشرت شيرين جزءًا من حديث رامي عبر حسابها على إنستجرام وكتبت: “ده جزء من الحلقة اللى رامى اتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني.. أولاً رامي اتسال سؤال في برنامج ورد وعنده كل الصلاحية لأى رد أو إجابة على أي سؤال يعني مفيش اي مانع يخلي رامي لما يتسأل سؤال ميجاوبش، وثانيا رامي صبري ده يا حضرت فنان من أهم الفنانين فى الوطن العربى ومن أهم الأصوات، ده لو حضرتك مش معانا في مجال المزيكا، وبعدين والله يا ريت رامى عنده الوقت بتاع حضرتك الفاضى اوى بتاع 5 شهور فاضى يا ريت كنا نتمنى”.
وتابعت: “أما بقى موضوع رامي رقم كام ده هو الحقيقة مش شاغل بال رامى أوي بس لو حضرتك شايف إن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس.. أغنية واحدة من رامى صبرى واحدة بس تعمل تاريخ لناس، محتاج تذاكر كويس وتعرف انت بتتكلم عن مين، قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام دة علشان الناس متضحكش عليك لأنك اتكلمت عن فنان بجد مش جاى يهزر، واخيراً لما تحب تعمل دعاية لأغنيتك الجديدة ابعد عن اسم رامى صبرى أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك”.
انتقد مطرب الراب ويجز، تصريح الفنان رامي صبري بشأن ويجز وأنه لم يكن يفهم معاني أغانيه وأكد رامي أن اسمه يأتي في قائمة أهم 5 نجوم في مصر، وأن أهم 5 مغنيين في مصر، هم: عمرو دياب وتامر حسني وحماقي ورامي صبري وقال على حد قوله: “مفيش حد تاني”.
وخرج ويجز بمقطع فيديو نشره على خاصية الأستوري، عبر حسابه على “إنستجرام”، وهاجم رامي صبري قائلا: “هتكلم على فنان فاكر إنه عنده صلاحية يطلع يتكلم على أي حد، والناس تسمع و تسكت، الفنان ده اسمه رامي، رامي ده بقى كل ما يقعد 4 أو 5 شهور يزهق يطلع يقعد يتكلم في التليفزيون على بتوع الراب والهيب هوب وكده”
واستكمل: “هتتكلم امتى عن فنك ومجالك، أنا شايف إنك مابتفهمش حاجة في الراب ولا بتفهم الكلام بتاعه، أو زي ما انت قولت قبل كده، ومش هتعرف تعمله، وأنا راجل مثلا لو لقيت واحد بيعرف يسوق عجلة وأنا مبعرفش بحترمه، ليه عشان هو عمل حاجة انا مبعرفش اعملها وغير اللي أنا عملتها، اشتغل على نفسه في حاجة أنا مشتغلتش على نفسي فيها” مضيفاً: “انت مبتقدرش الفنانين دول وشايفهم كده بيحاولوا يوصلوا لليفل انت فيه في حين انهم معديينك، أنت مش رقم 2 انت يا رامي انت رقم 19، أنت بعيد أوي”.
وتحدث الفنان رامي صبري خلال وجوده ضيفًا على برنامج “حبر سري” تقديم أسما إبراهيم ويعرض على قناة “القاهرة والناس”، عن المهرجانات ومطربي الراب، وقال: “المهرجان مش بيتغنا، حلو والناس بتحبه وأنا ساعات بسمعه، بس مش هو ده اللون اللي ممكن أغنيه”.
