كشفت النجمة منة شلبي، لأول تفاصيل خلافها مع الفنانة التونسية هند صبري، في وقت انطلاقهما بالسينما، وذلك خلال لقائها في برنامج سهرانين الذي يقدمه أمير كرارة.
وقالت منة شلبي: مكنش لينا في بعض أوي، مكنش فيه خناق، بس مكنش فيه حب.
وتابعت منة شلبي: طلعنا احنا الاتنين مع بعض كانت هي بتعمل فيلم مواطن ومخبر وحرامي ومذكرات مراهقة، وانا كنت بعمل الساحل وبحب السيما، وادوارنا كانت جريئة في الفترة دي، وكان في تنافس بينا.
واستكملت منة شلبي: في الفترة اللى انطلقنا فيها انا وهند صبري كان يجي حد يخلينا نسخن علي بعض ويقولي دي متبحبكيش وانا اقول دي مبتحبنيش ازاي يعني ويقولها نفس القصة، وبعدين اشتغلنا مع بعض فيلم أحلى الأوقات، وكل واحدة فينا كانت كتفها كان عالي علي التانية، بس محترمين، وكان وسطنا أعظم حكم حكم ست البنات حنان ترك.
وتابعت: برغم اني انا وهند صبري مش قريبين من بعض بس كان فيه ود شديد صنعته حنان ترك لإنها كانت قريبة مننا احنا الاتنين
واختتمت : خلص فيلم احلى الأوقات لا حرب ولا سلم ومفيش حاجة، وبعدين جالنا فيلم بنات وسط البلد، فالمخرج محمد خان كلمني فوافقت وقلت له مفيش مشكلة وروحنا نعمل بروفة قراءة عنده في البيت بالمعادي واحنا بنفتح النسخة بصيت لهند صبري وقلت لها فيه كلام عايزة اقولهولك وهي كمان قالت لي وانا كمان وعرفنا ان فيه شوية ناس استغلت شوية تفاهة وصنعوا المشكلة ما بيننا ولكن فيه احترام لرحلتنا وشقانا وتعبنا وجرأة في الأعمال عن حب شديد للشغلانة، وتفاهمنا وانتهى سوء التفاهم اللي بينا واتصافينا.
اقرأ أيضًا: «وسطي اتقطم بوفاتك».. الموت يفجع حلمي عبد الباقي
