فنانة استثنائية في كل حاجة، عملت افلام هتعيش طول العمر، وبسبب ادوارها الجريئة اطلقوا عليها لقب نجمة الجماهير ودخلت بسببه في قطيعة مع الفنانة نبيلة عبيد.
اتوقف لها أفلام كتيرة، ودخلت في خصومات فنية ملهاش مثيل، وبقالها فترة بتتهاجم كتير بسبب عمليات التجميل اللي بتعملها وظهورها بإطلالات شبابية وبيتهموها بإنها مش مناسبة لسنها.
فنانة غارت على جوزها من نادية الجندي
نادية الجندي ليها قصص غريبة اوي في الجواز بدات لما اتجوزت الفنان الكبير عماد حمدي اللي كان متجوز من ام ابنه ووقتها كانت نادية لسة بادئة طريق الفن.
كمان كانت متجوزة المنتج الكبير محمد مختار بعد قصة حب كبيرة، لكن بعد قصة الحب دي انفصل عنها محمد مختار لتتفاجئ نادية الجندي بجوازه من الفنانة الصاعدة وقتها رانيا يوسف فحصلت خناقات وتبادل اتهامات بينها وبين رانيا.
أغرب موقف في حياتها
القصة الأغرب في حياة نادية الجندي، واللي قالت إنها كانت بتمثل في فيلم مع فنان شهير بره مصر وأثناء التصوير لاحظت إنه متوتر ومنفعل دايما.
وبتقول نادية الجندي إنها اكتشفت بعد كده إن مراته واللي كانت فنانة برضو كانت رافضه تخليه يسافر مع نادية الجندي لتصوير الفيلم، لكنه أصر على رأيه وسافر للتصوير، وبعد ما سافر طلبت منه الانفصال.
وقالت نادية الجندي إن مرات الفنان ده كانت بتغير عليه بجنون في الوقت اللي كانت نادية الجندي متجوزة، وبعتبره مجرد زميل.
عادل امام مقالش الحقيقة الفيلم اتوقف بفعل فاعل
وعن الرواية اللي حكاها الزعيم عادل إمام بخصوص وقف فيلم “5 باب” اللي عملوه مع بعض من العرض في دور السينما بعدما رشت نادية ملح؛ لخوفها من الحسد قالت لاء دي رواية مش حقيقية.
وقالت نادية الجندي إن الحكاية مش زي ما قال عادل إمام لأ متوقفش بسبب الحسد، لكن فيلم “5 باب” اتوقف بفعل فاعل”.
ولان الحسد في فيلم “5 باب” حاجة تانية خالص له علاقة بحاجة كيدية حد دبرها علشان يتمنع الفيلم من العرض.. لان كان فيه حد متضايق وإزاي عادل إمام ونادية الجندي وفؤاد المهندس يجتمعوا في عمل واحد؟.
نادية الجندي كانت كشفت مفاجاة وقالت ان الفيلم اتعرض لمدة 10 ايام، وكان مكسر الدنيا، وفجاة وزير الثقافة طفى نور دار الاوبرا لانهم خافوا من زحام الجماهير، وده اللي كان هيخليها تعتزل الفن.
الورثة رفضوا تجسيد حياة تحية كاريوكا وسبقت عادل امام
نادية الجندي لما عملت قصة ناهد رشاد في فيلم امراة هزت عرش مصر ونجح نجاح كبير، فكرت تقدم قصة حياة تحية كاريوكا وبالفعل جمعت كل القصص بتاعتها وحكاياتها مع السياسيين.
نادية بدات تجهز الفيلم ووقعت عقد مع المنتج كامل ابو علي لكن فجاة الورثة اختلفوا والمشروع اتوقف والفكرة راحت.
وعن علاقتها بالفنان عادل امام قالت انه الوحيد اللي كان بينافسها في شباك السينما، لكن هي سبقته في مناقشة تداعيات الاعمال الارهابية لما عملت ده قبله في افلامها.
