خناقة داخل كمبوند الأثرياء، وقعت بين الفنان هاني مهنا وسيدة، فمن هي هذذه السيدة وما التفاصيل؟ تابعونا لمعرفة القصة الكاملة من خلال التقرير التالي:
هي ايه الحكاية يا جماعة كل يومين والتانى نسمع عن خناقة كبيرة بين الأغنياء، هي أيه القصة ماورناش غيرهم ولا إيه ؟، من فترة الست اللى طلعت تجرى وراء واحد في الكمبوند بتاعهم، والنهارده الموسيقار الشهير هنادى مهنا والد الفنانة اللى كل البنات بتحبها هنادى مهنا، النهاردة أبوها متهم أنه اتخانق مع واحده ست في ” كمبوند الأثرياء” في أكتوبر
الست راحت لقسم شرطة أول أكتوبر وطلبت مقابلة المأمور بس كان اللي في وشها ظابط نبطشية، أول مشافته قالتله :”عايزة حقي يابيه.. احنا في دولة قانون.. مش هسكت على اللى حصل فيا ده”.
الظابط اتفاجئ من الست لأن شكلها واحده شيك جدا وبنت ناس، يعنى مين اللى ممكن يزعل واحده شبها ولا هيزعلها فين أصلا، دى عايشه فى “كمبوند الأثرياء” في أكتوبر، يعنى حاجه عز العز ومافيهوش أي مشاكل خالص.
المهم أن الظابط أخد الست بالراحة هداها وطلب لها مشروب يروقها شويه، وبعدها قام سألها عن اسمها بالظبط وشغلتها، اتضح ليه انها واحدة مشهور قوى في مجالها، شغاله مديرة تسويق، شغلانه من اللى الناس بيكسبوا فيها حلو قوى، ويمكن ده اللى يفسر المكان اللي هي عايشه فيه، دى عايشه فى “كمبوند الأثرياء” بأكتوبر.
بعد ما الست هديت شويه وقدرت تمسك نفسها من العصبية قامت حاكيه للظابط كل الحكاية اللى حصلت معاها، واتضح للضابط أنها جايه القسم عشان خناقة بينها وبين الموسيقار الشهير هانى مهنى، الموسيقار طلع أنه جارها في “كمبوند الأثرياء” و اتخانقوا مع بعض لما رفض أنها توقف العربية بتاعتها الغاليه قوى قدام بيته في “كمبوند الأثرياء”.
ومش كده وبس ده تعدم أتلاف العربية بتاعتها بمفتاح كان معاه، خربش العربية يعنى، ده على كلامها يعنى أحنا مانعرفش لسه مدى صحه الكلام ده، يمكن تكون بتكذب على الشرطة ولا حاجه، الشرطة هي اللي هتحقق في البلاغ ده ومن تحرياتها هيتضح مين صح ومين غلط
الغريب بقى ان لحد دلوقتى الموسيقار الشهير هانى مهنا مطلعش أتكلم ولا قال أي حاجه خالص بخصوص الموضوع ده، فيه تجاهل تام ولا كأن حاجه حصلت ولا كان فيه حد جاب اسمه في أي حاجة، تفتكروا يكون بيحل الموضوع ودى ؟ أو فيه حد من أهل كمبوند الأثرياء حب يحل الموضوع وعشان كده الأستاذ هانى مهنا ساكت ؟ .. اكتبوا رأيكم وتوقعكم في التعليقات عشان لما تتضح الرؤية نعرف مين رأيه اللى كان صح.
لحد هنا نكون وصلنا لنهاية الفيديو، وقبل مانقفل عندنا سؤال مهم قوى ليكم محتاجين اجابتكم عليه، هوا لحد أمتى هنفضل نسمع خناقات داخل كمبوندات الأثرياء ؟ .. وليه أصلا مشاكلهم وخناقتهم زادت قوى كده الأيام اللى فاتت ؟
