انتقدت الفنانة جوري بكر الأسعار المبالغ فيها خلال قضاء عطلتها الصيفية في مصيف الساحل الشمالي رفقة زوجها.
ونشرت جوري بكر عدة فيديوهات على حسابها عبر إنستجرام وهاجمت أسعار بعض المحال التجارية في الساحل الشمالي.
جوري بكر تنتقد ارتفاع الأسعار في الساحل الشمالي
وقالت جوري بكر: “أقول وافضفض ولا أسكت وأستمتع أصل أنا لو مقولتش هيحصل لي حاجة في نفسيتي وأنا نفسيتي اليومين دول مش مستحملة الصراحة بس الواحد لما يفضفض بيرتاح بس انا ممكن أرتاح وغيري يتضايق وأنا مضطرة أجي الساحل عشان جوزي بيحب الساحل الشمالي”.
وتابعت: “بكره الحاجات اللي بتحصل في الساحل ولولا أنك بتحب الساحل والله ما كنت جيت في قلة ادب بتحصل في الأسعار والعيال الصغيرة الجيل اللي طالع ده ايه العيال البجحة الغلسة دي وأي مكان هدخله مش هيعجبني أسعاره هفضحه على السوشيال ميديا”.
وأضافت: “أنتوا حرفياً بتسرقوا الناس وبتستغلوهم عشان يومين تلاتة جايين ينبسطوا فيهم ليه أجيب أزازة ماية من على البحر بـ 200 جنيه ليه حضرتك ماية من الجنة”.
وفي وقت سابق، أثارت الفنانة جورى بكر الجدل بعد شائعة انفصالها، حيث نفت انفصالها عن زوجها.
وكتبت جورى بكر، عبر خاصية ستورى بحسابها بتطبيق “إنستجرام”: “أنا مش قادرة أتكلم وأعصابي تعبانة، شكرا جدا لكل الناس اللي اتواصلت معايا، وحسبي الله ونعم الوكيل في كل واحد أو واحدة عايزين ينتقموا مني بالطريقة القذرة دي”.
وأضافت: “الأكونت اتهكر وفي ثانية حصل كل اللي حصل، الأستاذة بسمة وهـبـة وضحت لا يجوز طلاق للست الحامل، أشكركم وقدر الله وما شاء فعل، أنا جوزي راجل محترم ومعتقدش إنه يعمل معايا حاجة زي كده.. شكرا”.
