فيديو مثير للمطرب عمرو دياب في الساحل الشمالي مع الفنانة رزان مغربي وولد صغير بالأحضان في الساحل فماذا كانوا يفعلوا؟ ومن الولد الصغير الذي ظهر معهم؟ وعمرو دياب ماذا قال له؟.. كل التفاصيل هتعرفوها في التقرير التالي:
يا ترى اللي بينهم حب ولا صداقة؟.. ده السؤال اللي طرح نفسه الساعات اللي فاتت بعد ما المطرب عمرو دياب كان موجود في الساحل مع رزان مغربي.. وفي مقابلة حصلت بينهم.. وعمرو قعد يكلم الولد الصغير ده وتفاعل معاه جدًا.. وده اللي خلى الجمهور يسأل مين ده وإيه العلاقة بينه وبين رزان مغربي.
ظهور صادم
عمرو دياب كان ظهوره مع رزان مغربي صادم وهي نشرت فيديوهات وستوريهات وصور على حسابها في إنستجرام والجمهور تفاعل بشكل كبير جدًا.. بس الغريبة شوية إن عمرو دياب كان لابس حلق ده غير أشكال وشم اللي كانت على جسمه وده اللي لفت نظر الجمهور.. ورزان كانت لابسة (توب) لونه أبيض ونضارة والولد الصغير اللي عمرو دياب خده بالأحضان لهف الأنظار وكمان قعد يتكلم معاه كتير.
استعدادات لحفل ضخم
اللي متابع خريطة حفلات عمرو دياب هيلاقي عنده حفلة في الساحل الشمالي وتحدديًا في مراسي يوم الجمعة الجاية 14 يوليو وطبعًا هيقدم أفضل أغانيه اللي الجمهور بيعشقها بصوته والجهة المنظمة كانت طرحت أسعار التذاكر وكانت بين 2000، و4000، و8000، و16 ألف جنيه.. وقبل الحفل الهضبة قال ياخد فترة استجمام كده عشان يروق على نفسه وأهو في أجواء صيف ومحتاجة البحر.. وقتها قابل رزان مغربي وقضوا وقت لطيف مع بعض وهما على الشاطئ واتصوروا وعملوا ذكريات لطيفة مع بعض.
مين الولد الصغير؟
الولد الصغير اللي كان مع عمرو وزان اتولد في لبنان وعاش في لندن ومكانش بيعرف يتكلم عربي خالص وبعد ما كان في زيارة لمصر اللي اعتبرها مكانه المفضل عاش فيها وسمع أغاني عمرو دياب وحبه كتير وكمان مامته قعدت تكلمه عن المسيرة الأسطورية للهضبة.. وعشان كده لما قابله لول مرة في الساحل كان مبسوط جدًا وهو متأكد إن حبه ليه هيستمر سنين.
الولد الصغير ده يبقى رام ناجي جبران اتولد سنة 2014 ويبقى الابن الوحيد للفنانة رزان مغربي من جوزها رجل الأعمال المصري ناجي جبران واللي اتجوزته سنة 2011.. ودخل رام المجال الفني لما اشتغل موديل وكمان طلع على المسرح وغنى مع مامته في حفلة رقص.. وعنده مواهب فنية وشارك في أغنية “خلص البونبوني” مع الدمية الشهيرة دكتور ألفونس كعازف درامز. وبيحب التمثيل والغناء وتقديم البرامج زي مامته.
رام ليه حساب على إنستجرام ومتفاعل بشكل كبير عليه ومامته بتدعمه وكتير من النجوم بيتصوروا معاه زي وليد توفيق والإعلامي نيشان والمطرب مدحت صالح ومغني المهرجانات حسن شاكوش.. ورزان بتقضي أجازة في الساحل الشمالي ومش بس قابلت عمرو دياب دي ليها صور كمان مع الفنانين أحمد السعدني وأحمد رزق.
