![حنان مطاوع](https://www.l2tat.com/wp-content/uploads/2019/11/%D8%AD%D9%86%D8%A7%D9%86-%D9%85%D8%B7%D8%A7%D9%88%D8%B9.jpg)
علقت النجمة حنان مطاوع على الأجواء الباردة اليوم على جميع أنحاء الجمهورية.
وكتبت حنان مطاوع عبر حسابها على فيس بوك: “يعني تلج وتكتكه وتكسير عضم وبعدين”.
كشفت الفنانة حنان مطاوع تفاصيل الأزمة الصحية التي تعرضت لها مؤخرًا، حيث أكدت أنها كانت تجربة سيئة جداً.
وأضافت في لقائها مع الإعلامية منى الشاذلي في برنامج معكم منى الشاذلي على قناة on e : «العالم كان بالنسبة لي توقف، والحمد لله على كل شىء.. منذ أربعة شهور ونصف تم تشخيص حالتي مش من دكتور ودي كانت المشكلة».
وتابعت: «فمن خلال الأشعة الموضوع تضخم أوي وأخد منحنى آخر، فقيل لي أشياء ودخلنا دوامة الوهم أنا وزوجي ومبقناش عارفين نعمل إيه وارتبكت جداً لدرجة إني بدأت أعمل مسح ذري».
واستطردت: «جالي ضيق في التنفس وصوتي لما كان بيتنبح مكنش بيرجع، بيقعد أربع شهور عشان يرجع، ورقبتي كانت تخنت جداً واتشال منها نص كيلو حالياً».
وأوضحت: «لما روحت أعمل سونار عشان أكشف على الغدة الدرقية، الناس اللي عملولي سونار دخلوني في نفق مظلم والموضوع أخد أبعاد كبيرة خالص».
وأردفت: «مكنتش شايفة غير بنتي، وأمير عمل نفس مشهدي مع هند صبري في (حلاوة الدنيا)، فهو كلم كل الدكاترة في عيلتنا، ودخل عليا وقاللي هتبقى كويسة ولما نزلنا العربية بكينا بصوت عالي وقعد يقوللي هتبقى كويسة ودخلنا مرحلة الذروة وإحنا لسه مروحناش لدكتور».
واختتمت كلامها قائلة: «أنا كتبت وصيتي من وأنا صغيرة، من بعد سن 25 سنة وكل فترة، كنت بجدد وصيتي لحدوث طوارئ جديدة في حياتي وجددتها وقلتها قبل العملية».