لا أحد يقدر ينسى اعلانات ميلودي زمان في 2006 مع وديع وحمزاوي ، فهل تتذكروا البنتين التوأم الذين اشتهروا بجملة ” احنا بنعمل كل حاجة مع بعض” .. ياترى أين اختفوا كل هذه السنين ؟ تلك البنتين تغيرت حياتهم تمام فماذا حدث؟
نجلاء ونورلين بنتين توأم متطابق لدرجة متقدرش تفرق بينهم ، اتشهروا جدا بعد حملة الاعلانات اللي عملوها مع قناة ميلودي زمان ، ودي كانت البداية.
من وقت ما كانوا في ثانوي وهما حاولوا يدخلوا معهد الفنون المسرحية لكن معرفوش ، وكان عندهم حلم الشهرة من زمان ومصممين يحققوه مع بعض ، لكن دخلوا كلية تجارة وفضلوا يحاولوا يسعوا ورا النجومة برضه.
عملوا حفلات كتير وهما في الكلية واتعرفوا بشكل كبير وبدأ يجيلهم فلوس كتير من الحفلات وحسوا ان الدنيا هتضحكلهم وهيقدروا يحققوا الحلم.
وبعد الجامعة بدأوا يشتغل في اماكن زي الكباريهات والنوادي والفنادي ويعملوا معاهم عقود بفلوس كتير ، وفي وسط كل ده مكنش في حد من اهلهم معترض بل بالعكس سابوهم يعملوا اللي هما عايزينه.
وفي ليلة كانوا بيعملوا حفلة في مكان ، وبالصدفة شافهم مخرج اعلانات قناة ميلودي وعجبوه وقرر يشتغل معاهم ويجيبهم معاه في اعلان وفعلاً عملوا اعلان ميلودي المشهور ، وكملوا شغل مع المخرج ده وعملوا كذا اعلان تاني كل واحدة لوحدها ومن هنا كانت بداية دخول البنتين عالم التمثيل والظهور على الشاشة.
وفي 2010 ظهرت البنتين التوأم اللي اتشهروا بـ توأم ميلودي في مشهد في فيلم محترم الا ربع مع الفنان محمد رجب.
وبعدها بدأت الاحتين التوأم يحاولوا يعملوا كليبات واغاني ، وعملوا كليب استعراضي لأغنية الليلة ليلتي ، وبعدها عملوا مهرجان اسمه احنا الجامدين ، وده كان مع بداية ظهور اغاني المهرجانات في مصر في الفترة دي
كل الحاجات اللي قدمها التوأم نجلاء ونورلين مكنتش كافية عشان يبقوا نجوم ومشاهير ، رغم محاولالتهم الا انهم معرفوش يحققوا الحلم ده
وفجأة حياتهم اتغيرت تماما في 2017 ، لما اتوفت نورلين … كانوا المفروض مسافرين العين السخنة يعملوا حفلة مع بعض لكن القدر شاء ان نورلين يجيلها مفاجئ ومنعها من السفر ، واضطرت نجلاء تسافر لوحدها وكان نصيبها انها تعمل حادثة كبيرة على طريق السويس وهي راجعة من العين السخنة، ودخلت المستشفى في حالة حرجة وتاني يوم اتوفت .
بعد ما كانوا بيعملوا كل حاجة مع بعض ماتت نورلين ، وفضلت اختها نجلاء تعاني من الفقد والالم ،، مكنتش تتخيل ان اختها هتموت بدري كدا.
وكتبت نجلاء على فيسبوك : “توفيت أختي الغالية وتوأم روحي وعمري ونصي التاني.. سبتيني لوحدي ليه يا نور إنتي النهارده عروسة الجنة ”
حاولت نجلا تتعايش من غير اختها اللي كانت بتعمل كل حاجة معاها ، في الحياة وفي والغنا والتمثيل، لكن الموضوع كان صعب ومقدرتش تتجاوز بسهولة
وكتبت نجلا على فيسبوك : مخنوقة وتعبانة أوي .. مش مرتاحة .. مش مبسوطة ” ..
واعتزلت الفن والتمثيل والغنا ولبست الحجاب وبعدت عن كل حاجة بعد اللي حصل لاختها ، لكن المفاجآة انها انتكست ورجعت شخصية تانية خاااااالص.
وبعد فترة حصل التحول الكبير .. من الشرق للغرب اتغيرت حياة نجلا تماما وكأنها بتهرب من الواقع ، وقررت تدخل مجال الرقص الشرقي ، وبقت الرقاصة نعيمة !!
التحول كان غريب ومفاجئ ، مش عارفين دي مصدومة ومقدرتش تتجاوز اللي حصل في حياتها ولا هي كانت عايزة تشتغل رقاصة من زمان مع اختها مثلا بما انهم شاركوا بعض في كل حاجة ؟
بدأت نجلا رحلة جديدة في حياتها مع الرقص الشرقي وبقى اسمها نعيمة ، وبقت ترقص في حفلات خاصة بيقدمها النجوم الشعبين زي محمود الليثي وعبد الباسط حمودة ، وكمان بقى يتحط اسمها على افيشات الحفلات في الساحل الشمالي والسخنة.
وقالت نعيمة انها عايزة تجمع فلوس كتير عشان تعمل صدقة جارية لاختها اللي ماتت وبدأت تشتغل في الرقص وهي معتقدة انها كدا بتجيب فلوس عشان تعمل صدقة لاختها ..
دي كانت حكاية نجلا ونورلين اللي بيعملوا كل حاجة مع بعض.
