حل الفنان خالد الصاوي، ضيفا الساعات الماضية، مع الإعلامي أنس بوخش في برنامج abtalks.
وخلال اللقاء ، كشف الصاوي، كواليس أصعب 4 ساعات في حياته، عندما أيقن أنه على وشك مفارقة الحياة.
“ربنا أنقذني من الفضيحة”.. أخطر 4 ساعات في حياة خالد الصاوي
وقال: “في فترة معينة الممنوعات أخذتني أكثر مما ينبغي، وفجأة لقيت قلبي بينط برا صدري بطريقة بتقول إني هموت حالا، ومشكلتي الكبيرة ساعتها إني مش عايز أموت وفي فضيحة أمي لن تتحملها، عايز ألم البلاوي وأموت على نضيف لكن مش قادر أعمل حاجة”.
وأضاف خالد الصاوي: “دخلت السرير بالعافية، ولمدة 4 ساعات قلبي مش بيهدا ومش قادر أعمل حاجة، وفي الآخر لجأت لربنا وقلت سبحانك أرجوك أنقذني وأنا هغير حياتي، ومش هحط نفسي في الوضع المهين ده تاني، ومن باب الاحتياط خدني بس بلاش الفضيحة”.
وتابع: “بعد دقيقة بالضبط غفوت 4 دقائق وقمت كإني نمت 8 ساعات، ولميت الحاجة وحرقت اللي حرقته ورميت حاجات في التواليت، وصليت ونمت شوية وقمت لعبت رياضة”.
وأكمل: “كانت أصعب لحظة، وكان عندي ظروف شخصية وعائلية ومهنية مش تمام، والحقيقة أنا السبب الأول، وأهم حاجة الواحد يواجه نفسه ويعترف بالخطأ”.
اقرأ ايضا:
