أكدت الفنانة عفاف شعيب، أن عدم إنجابها قد يكون عقاب من الله سبحانه وتعالى، بعدما قامت بإجهاض نفسها 3 مرات.
وأوضحت عفاف شعيب، أن مجال الفن أخذها من تكوين أسرة؛ حيث عرضت نفسها عدت مرات للإجهاض ولم تفكر مرة أخرى في الإنجاب، قائلة: “حملت 3 مرات، وأول مرة أنا اللي أجهضت نفسي، ودعيت ربنا يغفرلي وصومت شهرين متتالين، وبعدها في المرتين التانين كان بيحصل إجهاض من غير سبب، ومن بعدها ما عرفتش، ومحبتش أنجب تاني، والشغل والحياة خدتني والنجاح والسفر خدوني”.
وردًا على سؤال بسمة وهبة، لها في برنامج “العرافة” المعروض على قناة “النهار”: “هل ربنا بيعاقبك بعدم إنجابك عشان أجهضتِ؟” قالت عفاف: “ربنا عايزني ابقى لوحدي، أبقى له هو، عدم إنجابي ممكن يكون عقابا من ربنا، لكن كنت لسه صغيرة والحياة وخداني”.
وتابعت: “إن حتى الآن يتقدم لها عرسان بس عيب واحدة في سني تتجوز، ومن كام سنة شاب اتقدم ليا أصغر مني بـ 20 سنة، وكان بيبعتلي صوره وكان عنده قصر، لأ طبعا وأنا ضد إن واحدة في سني تتجوز واحد أصغر منها، وفضل سنتين بيلاحقني”.
واختتمت عفاف شعيب حديثها قائلة: “أنها لا تشعر بالوحدة، وأنها حولها عائلتها، وليس في حاجة للزواج مرة أخرى”.
