ريم طارق زوجة حسن شاكوش فاجئت الجميع فيما قالته للنيابة، أولها أنها عمرها ما كانت مريضه مرض يمنعها من الزواج كما قال شاكوش وأهله، وأهمها عن دكتوره نسا شهيرة طلبت شاهدتها أمام المحكمه.
إيه باقي الاعترافات اللى قالتها ريم طارق للنيابة؟ .. وايه حكايه الدكتورة الشهير اللى طلبت شاهدتها قدام المحكمه؟ .. كل ده وأكتر هنعرفه مع بعض في الفيديو ده
خناقة حسن شاكوش وزوجته ريم طارق لسه مكمله، ريم راحت اتحقق معاه النهارده قدام النيابة، وخلال التحقيق ده تم الكشف عن معلومات في الواقعة لأول مره نسمع عنها، على سبيل المثال اكتشفنا أن ريم طارق راحت هي و حسن شاكوش لدكتوره نسا شهيرة بعد الجواز، ريم كان نفسها تجيب لحسن عيل صغير يشيل إسمه، والدكتورة دي عندها كل تفاصيل ريم من طقطق لسلام عليكم.
الدكتوره اسمها سعاد وهي واحدة من أشهر دكاترة النسا في منطقتها، كانت كشفت على ريم طارق بعد جوازها من حسن شاكوش عشان يسرعوا فرصه للحمل منه، وليله الكشف دي شاكوش كان مع ريم عند الدكتورة، ده على حسب كلامها يعني قدام النيابة وان شاكوش لو كان فيها حاجه كانت الدكتوره قالتله.
ريم طلبت الاستعانة بالدكتورة وسماع شهادات قدام النيابة والمحكمة، هي بتقول أن الدكتورة دى هى اللى معاها مفتاح اللغز اللى هيحل كل الكلام اللى قاله شاكوش عنها أنها مريضة ومالهاش في الجواز، على حسب كلامها يعني فا الدكتورة شيفاها زي الفل وتقدر جدا تحمل في أي وقت ومافيش مايمنعها خالص من أنها تحمل.
وفي وسط التحقيق قدام النيابة، نفت ريم تماما أن يكون سبب الخلاف بينها وبين شاكوش أصله العلاقة الزوجية أو أن فيه مايمنع معاشرتها يعنى، ببساطه كده قالت كل اللى قالوه أهل شاكوش عن ان النقطه دي هي سبب الخلاف كذب في كذب، سبب الخلاف الأصلي ان شاكوش طردها من بيتهم بعد 50 بالظبط من الفرح واخد منها دهبها ووصل أمانة قيمته 500 ألف جنيه، كان ماضيه شاكوش على نفسه كا مؤخر يعني لو طلقها، ولمحت أنه اخدت الوصل ده عشان ناوي ياكل عليها حقها في المؤخر.
وعلى حسب موقع القاهرة 24 الإخبارى ما استكفاش شاكوش بكده، ده قدم ضدها بلاغات وقال إنها بتتكلم عنه بالكذب على مواقع التواصل الاجتماعي وهوا عايز الحكومة تجيبله حقه من اللى عملته فيه ده، وكمان عايز فلوس كان سايبها فى الشقة وزوجته ريم طارق اخدتها من وراه، ده بردوا بلاغ تانى قدمه شاكوش فيها، ما هي شغلانه بلاغات بقي ومش هتخلص بينهم بالسهل شكلها.
أنتم من رأيكم مين اللى معاه حق فى الواقعة دي، شاكوش ولا زوجته ريم طارق، اظن انتم عرفتوا كل التصريحات والاتهامات اللى قالوها الاتنين على بعض، اتهامات السرقة والطرد وكل الحاجات دي، مين بقى اللى صح فيهم ؟ ما هو لازم حد فيهم هيطلع صح في الآخر والحق ليه ؟.. اكتبوا رأيكم في التعليقات وخلونا نتناقش مع بعض.
