![شقيق ياسمين عبدالعزيز](https://www.l2tat.com/wp-content/uploads/2020/01/BBZ8lt4.jpg)
فاجئ الفنان وائل عبد العزيز، شقيقته الفنانة ياسمين عبد العزيز، برسالة غير متوقعة، عبر حسابها الرسمي على “فيس بوك”.
وكتب وائل: “مبروك يا روح قلبي .. وان شاء الله يبقي اقوي واحلي من كل الحاجات الفشيخه الي عملتيها قبل كده طلب بقي وانتي رايقه كده ممكن خلاص بقي والمسامح كريم لان العمر الي عدي ده تقيل عليا من غيركم”.
“سامحيني”.. شقيق ياسمين عبد العزيز يفاجئها برسالة غير متوقعة
وتابع: “انا والله مش عايز حاجه من الدنيا غير اني اشوفك مبسوطه وسعيده وصحتك زاي الفل وناجحه في حياتك .. وربنا العالم ، أنا تقيل عليا اقولك كده قدام كل حبايبك .. ياريت متخلينيش اتكلم اكتر من كده عشان هتقوم حرب تاني وانا مبقتش زاي زمان.. مبقاش فيا حيل ولا طاقه للمشاكل .. قلبك ابيض .. و متشمتيش فينا الأعداء وانتي عارفه بيفرحوا هما قوي في المصايب دي..”
وأضاف: “درس واتعلمنا منه زاي دروس كتير اتحطينا فيها .. ما ياما دقت علي الراس طبول .. والا نسيتي .. انتي بنتي مش اختي وانا طول عمري بحميكي برقبتي واموت عشانك عادي “.
وأكمل: “راجعي كل سنين حياتنا وافتكري انا كنت بحميكي بعد ربنا ازاي ..لما اشوفك هفهمك علي كل حاجه بالتفاصيل .. انا عارف الزعل علي قد المحبه وماعدنا مع بعض هيبقي صعب وتقيل علينا بس لازم الكل يتراضا.. ربنا الي قال كده .. قبل يوم عرفه يا ياسو والا بلاش ياسو عشان مبحبوش مش ممكن اكون بحبك كده اكتر منك بكتير شويه حنيه بقي يا jessy “.
واختتم: “ومش فارق معايا كلام الناس علي فكره تماما .. انا بحبك والكل عارف ده وميهمنيش غيرك في الدنيا دي كلها وعايزك تعرفي ان كل حاجه واي حاجه انا عملتها عشانك ومن خوفي عليكي”.
وفي وقت سابق، تصدرت ياسمين عبد العزيز التريند خلال الفترة الماضية بعد ظهورها مع الفنانة إسعاد يونس، في برنامج صاحبة السعادة، حيث حققت حلقتها في البرنامج أكثر من 270 مليون مشاهدة عبر مواقع التواصل الاجتماعي، حسب ما أعلنت الإعلامية إسعاد يونس عبر انستجرام
وتحدثت ياسمين عبد العزيز خلال الحلقة عن سبب انفصالها عن زوجها السابق الفنان أحمد العوضي، حيث أكدت أنه رغم الانفصال إلا أن الحب ما زال بينهما، وأنها تكن كل الاحترام والتقدير له، هذا بالإضافة إلى تأكيدها على أن الانفصال جاء لظروف قدرية ليس لهما يدا فيها، ولكن الطلاق لم يكن سببه الخيانة مثلما زعم البعض.
اقرأ ايضا: