في أجواء عائلية هادئة ، احتفلت النجمة السورية أصالة بزواج أخيها أنس نصري امس، وأقاموا فرح تقريبا كان للعائلة والمقربين فقط ، وكانت اصالة سعيدة وفرحانة بأخيها العريس، وكأنها أمه وليست اخته ولتاي كانت تحلم برؤيته ببدلة فرحه في ليلة العمر.
أنس نصري اتجوز نهال اخت الإعلامية أميرة بدر ، وبدأول اليوم من أوله وعملوا كتب الكتاب والفرح في فندق في التجمع ، وحضره الاهل والاصدقاء القربين لاسرة العروسين.
ونشرت شام الذهبي بنت اصالة ،صور كتير وهي بتحتفل بـ خالها أنس العريس، وده على حسابها على انستجرام ، وكتبتله ” يقبرني القمر” و ” عريس الأحلام”.
وبعد الفرح ، نشرت شام صور جديدة وكتبت : ” نحتفل بزواج أميرنا الغالي أنوس من نهال الجميلة .. يوم خاص جدا بالنسبالنا”.
وظهرت أصالة متألقة بفستان فوشيا مع جوزها العراقي حسن فايق وحوليهم عيلتهم وحبايبهم ، ومعروف عن عيلة اصالةانهم مترابطين جدا وبيحبوا يكونوا سوا في كل حاجة.
واتصورت شام الذهبي وجوزها مع مامتها أصالة وجوز مامتها حسن فايق، وواضح من الصور انها بتتعال معاه عادي ومعندهاش حساسية جوز الأم اللي اي بنت بتضايق منها ، لكن على العكس خالص واضح انهم متفاهمين مع بعض خاصة وان علاقة اصالة وبنتها شام مختلفة وخاصة ، وبيتعاملوا زي الاصحاب مش الام وبنتها.
وحضر فرح انس اخو اصالة شوية من نجوم الوسط الفني ، وأحيا الفرح النجم مصطفى حجاج ، وده المطرب امفضل عند أصالة وبتحب صوته وأغانيه ، ولما ظهرت في برنامج منى الشاذلي ، غنت أغنية يا بتاع النعناع للمصطفى والجمهور اتبسط جدا وفضلوا يصقفلوها.
وكمان حضرالفرح المنتج ومهندس الصوت هاني محروس ومراته، وطبعا لانه علاقته قديمة بأصالة واشتغلوا مع بعض كتير وكمان بتجمعها بيه هو ومراته علاقة صداقة.
بس من الواضح كدا ان مفيش نجوم كتير حضروا الفرح ، ويمكن أسرة أصالة كانواعايزين يعملوا فرح عائلي للاهل والصحاب بس ، عشان مشوفناش اي نجوم تانيين في كل الصور اللي انتشرت من فرح انس نصري.
اخو أصالة خطب اخت المذيعة اميرة بدر الشهر اللي فات ، وبسرعة جدا قدروا يستعدوا لجوازهم ومحبوش يطولوا خالص وعملوا الفرح بعد شهر على طول ، ودي تقريبا اسرع جوازة شوفناها خلال الفترة الاخيرة.
وواضح ان انس وخطيبته كانوا مجهزين كل حاجة ، وفاضلهم حاجات بسيطة ، واعلنوا الخطوبة عشان الناس تعرف بعلاقتهم ، وبعد شهر ونص تقريبا كانوا خلاص في عش الزوجية.
وكتب العريس أنس يوم خطوبته لنهال على أنستجرام وقال : منصفه و عظيمه هي الحياه عندما تمنحنا ايام جميله كهذا اليوم و اشخاص رائعين محبّين اجتمعوا حولنا لتكتمل فرحتنا ،، محظوظ بكم و في غاية السعاده بانضمام عائله جميله نقيه محبّه الى عائلتي ،، شكراً آل نصري و شكراً آل بدر على وجودكم في الحياه.
وطبعا اصالة مكنش ينفع تعدي فرح اخوها كدا ، لكن عملتله مفاجآة و غنتله أغنية عملتهاله مخصوص ، اسمها فرحة أنس الغالي ، والمفاجآة التانية ان جوزها حسن فايق هو اللي كتب كلمات الاغنية ، وقرروا يعملوا مفاجآة للعريس ويهدولوه الاغنية يوم فرح، و غنتها اصالة في المايك والناس اتفاعلت معاها جدا والعريس اتبسط بهدية اخته.
وطبعا دي مش الجوازة الأولى لأنس اخو اصالة ، لكنه كان متجوز قبل كدا الستايلست لمى الرهونجي ، وخلف منها بنت وسماها أصالة على اسم اخته النجمة ، لكنه انفصل عنها من فترة طويلة ، وانفصلوا ، وبعد كام سنة اتجوزت لمى الرهونجي ، الممثل الوري يزن السيد.
ومن كام يوم اختفل أنس نري بعيد ميلا بنته أصالة اللي كبرت وبقت عروسة ، ونشر صورته معاها على انستجرام وكتبلها : كل سنة وانتي بتبهريني بطيبة قلبك وأخلاقك العالية واجتهادك وعقلك الكبير ومحبتك اللي قادرة تلف الكون كله تغمره ،، كل سنة وانتي بنتي حبيبتي دلوعتي ، كل سنة وانتي الحب كله.
اما بقي في عيد ميلاد أصالة من شهر، برضه اخوها أنس احتفل بيها على طريقته الخاصة وكتبلها رسالة رومانسية على الانستجرام وقال : كل عام وانتي للسعادة مصد السعادة ،، كل عام وانتي للنجاح أهل النجاح ،، كل عام وانتي اعظم أم واطيب اخت واحلى رفيقة .. كل عام وانتي الاهم والافضل في عالمنا ،، كل عام وانتي حبيبة الكل يا ست الكل “.
