فسخت خطبتها للمرة الثانية، ولكن هذه المرة قررت القيام بتحول مختلف تمامًا عن الفتيات الأخريات. قررت شدوى الحضري أن تصبح فارسة خيل، متبعة مسارًا مختلفًا تمامًا عن المألوف. قررت انتقالها إلى عالم البلوجرز والتركيز بشكل كامل على مستقبلها، ولا تفكر حاليًا في الزواج أو الارتباط.
اللى يشوف شدوى بعد ما فركشت فى المرتين ميشوفهاش دلوقتى .. وفيدوهاتها وهى راكبة الخيل تقول إنها طلعت اتربت على الخيل من صغرها فياترى شدوى ناوية على إيه الفترة الجاية ؟
وإيه حكاية ركوبها للخيل؟ هل قاصدة توصل رسالة معينة لخطيبها؟ ولا بتثير الجدل ؟ يالا نعرف شدوى بتعمل إيه؟ ورد فعل الحضرى مع اللى بتعمله مفاجأة
غريب الموف أون مين فاهمه؟ طول عمرنا نسمع عن اللى بيفسخوا الخطوبة بياخدوا وقت كبير علشان يتخطوا المرحلة دى ،وشوفنا حالات كتير لمشاهير بيحلقوا شعرهم كبداية جديدة وطرق كتير البنات بتعملها ..لكن اللى عملته فدوى كان مفاجأة .. ودى عادتها دايما بتعمل المختلف وعكس التيار.
فدوى بعد فسخ خطوبتها التانية بحوالى 3 شهور .. نشرت أول فيديو لها وهى راكبة خيل ،باعتبار إنها كده خدت وقتها علشان تبدأ تموف أون وفعلا من وقتها ولحد دلوقتى كل الفيديوهات على حسابها عل التيك توك تقريبا وهى راكبة خيل ..
فدوى قعدت مع نفسها كده وقالت ليه مبقاش بلوجر ،وطبعا شهرة أبوها الحضرى مصيتاهم من غير حاجة فكان لازم تستغل الشهرة دى وفعلا حصل .
بدل ما كانت شدوى الحضرى بتثير الجدل بتصريحاتها وإطلالتها.. لسه بردوا بتتصدر التريند بس الفترة دى بركوبها الخيل والغريبة إنها محترفة ،ولما تشوفها والحصان بيرقص بها ويجرى تقول إن عيلتها خيالة ومن صغرها متربية على ركوب الخيل ..
شدوى بقيت تظهر فى الفيديوهات من نزلة السمان ،ودى المنطقة اللى غنية عن التعريف ومشهورة بركوب الخيل و أى حد هاوى أو بيحب الخيل أو محترف بيروح هناك ويقدر يركب خيل زى ما يحب ..خاصة إنها منطقة سياحية وجنب الأهرامات .
علشان كده أغلب فيديوهات شدوى أما من نزلة السمان نفسها أو من الأهرامات .. مش بس كده نشرت كمان فيديو من وهى على البحر وراكب الحصان والكل أجمع إن ده فى دمياط ..
المفاجأة بقى إن شدوى عندها حصان بتاعها ،ومتعودة على ركوبة ودى حاجة مش جديدة عليها ،ولكن الناس ربطت فسخ خطوبتها بركولها الخيل كطريقة تتحظى بقى الأزمة..
شدوى الحصان بتاعها منير الفريدة حصل على المركز الأول في مسابقة جمال الخيل، اللى أقيمت خلال فعاليات اليوم الأول لمهرجان الشرقية للخيول العربية الأصيلة. ووالحضرى واسرته حضروا الحفلة وكانوا مبسوطين من اللى حققته! وده تشجيع فى حد ذاته لبنته
ودى مش المرة الوحيدة اللى تتصدر التريند .. من فترة كان لها قضية وأزمة مع أمن كمبوند مشهور فى الشيخ زايد وعملت ضده محضر وقالت إنه تعدى عليها بالسب .. ولكن الحضرى خلاها تتنازل عن المحضر ده .
طيب مين شدوى الحضرى و إيه حكاية أرتباطها وفسخها مرتين ؟
شدوى هي البنت الثانية لعصام الحضري لها خمسة أخوات وهم شاهيناز وشاهندا وياسين وشايان، عندها 23 سنة ، واتخرجت من كلية إدارة الأعمال بأحد الجامعات الخاصة.
لعبت كرة القدم النسائية في فريق وادي دجلة للناشئات، وعملت أزمات كتير لوالدها بتشجيعها لنادي الزمالك مش الأهلي، اللى وقتها الحضرى كان أحد أبرز نجومه وحراس مرماه .
طبعا كلنا عارفين إنها كانت مخطوبة لكهربا فى 2017،وبعد شهر من أرتباطهم فركشوا .. والسبب إتقال إنه مش متحمل المسؤولية وده حسب ما نشره موقع الدستور.
شدوى لما كانت فى حوار مع منى الشاذلى قالت إن لما والدتها قالت لها إن كهربا متقدم لها يخطبها ،ردت عليها أنا أصلا كنت معجبة بيه من زمان، وكنت بحب أشوفه وهو بيلعب، ولما قلت لماما إحنا نتكلم مع بعض ونعرف بعض، دي فرصة وجت ومحدش هيضيع فرصة زي دي.
لكن للأسف الفرصة ضاعت والجوازة متمتش.. وبعدها بحوالى 4 سنين شدوى إتخطبت للمرة التانية لرجل أعمال إسمه عمر طارق العزبى وعملت خطوبة فى فندق مشهور وساعتها الناس كلها كانت بتحكى وتتحاكى عليه وقالوا إنه حفل زفاف مش خطوبة بسبب المعازيم الكتير والفقرات اللى كانت فيه ..
وبردوا حصل نفس اللى حصل معاها قبل كده مع كهربا وفركشت للمرة التانية .. ويمكن ده ساعدها شوية إنها ترجع تهتم بالحاجة الى بتحبها وتطور نفسها فيها
فسخ الخطوبة حصل قبل مباراة مصر والسنغال بيوم ودخل الحضرى في حالة حزن ورفض إعلان فسخ الخطوبة إلا بعد المباراة..
تفتكروا شدوى يتخطط تبقى بلوجر ،خاصة وإنها وإن ده هيكون سهل جدا بالنسبة لها فياترى ناوية على إيه الفترة الجاية؟
