فنانة أثارت الجدل الفترة الماضية، ورغم إعتزالها من فترة كبيرة من حوالى 45 سنة وأرتداءها الحجاب إلا إنها مازالت متواجدة على الساحة الإعلامية والفنية بسبب تصريحاتها الغريبة هى الفنانة شريفة ماهر ،ياترى ماذا ستكشف لنا هذه المرة سوف نكشف مفاجأة من خلال التالي فتابعونا:
السر النهاردة اللى هتكشفه شريفة ماهر عن فنانة جميلة كانت مثال لبنت البشوات والبهوات لما تتكلم عن الأناقة واللباقة والكاريزما والجمال تقول مريم فخر الدين ياترى قالت عنها إيه؟ وإيه علاقتها بفاتن حمامة وصباح لا ده واضح كده إن المكان كبير يلا نعرف الحكاية فيها إيه؟
قالوا عن الفنانة مريم فخر الدين أميرة السينما وعروسة الشاشة ،أدوراها كانت رقيقة وأعمالها الفنية متفصلة عليها بالظبط مننساش دورها فى إنجى فى فيلم رد قلبى ولا الأيدى الناعمة مع الفنان أحمد مظهر، وحكاية حب مع العندليب لا وكمان فيلم أبو أحمد اللى غيرت جلدهل فيه وطلعت برة أوار الهانم بنت البشوات والبهوات.
الحقيقة إنها زى أى فنان عنده أسرار فى حياته ،هو نفسه بيصرح بها فى حواراته أو بعد ما يموت نلاقى زمايله فى الوسط فى حوارتهم يقولوا أسرار عنهم . ودى اللى حصل مع الفنانة شريفة ماهر فى حوراراتها الأخيرة مع أكتر من برنامج وبدل ما تتكلم عن أسرارها هى بس وعلاقة أولادها بها وعقوقهم لها لا كمان كشفت أسرار فى حياة الفنانة مريم فخر الدين . ياترى قالت إيه؟
الفنانة شريفة ماهر فى حوارها مع الإعلامى محمد الغيظى فى برنامج تقدر مع الغيظى قالت إن علاقتها بمريم فخر الدين قوية جدا وبتعتبرها زى أختها ..بس دة ميمنعش إنها تكشف سر عنها وقالت إنها فى أواخر أيامها مكنتش طبيعية وإبتدت تخرف فى الأخر وده غرفته لما كانت بتقعد معاها فى نادى الجزيرة.
شريفة ماهر قالت مرة كده وهو قاعدين فى النادى وسألت مريم عن حاجة عادى يعنى قامت مريم ردت عليها بكلام قدام الناس شريفة قالت إنها إتصدمت ساعتها ومكنتش قادرة تتخيل إن مرين فخر الدين تقول الكلام ده فقالت لها إنتى إتهبلتى بتقولى إيه؟ فرد مريم عليها وقالت لها الله وإيه يعنى؟، والحقيقة مقالتش حاجة عن كلامها ده ولا صرحت قالت إيه..
شربقة قالت كمان إن مريم فخر الدين كانت دايما بتهاجم فاتن حمامة هجوم مش مفهوم وقالت يمكن علشان حالتها مكنتش طبيعية فى أواخر أيامها.
والحقيقة إنها كانت بتهاجم فاتن حمامة دايما بسبب لقبها بسيدة الشاشة وقالت هو إحنا خدامات يعنى؟ وإنها مش أحسن من بنات جيلها فى حاجة علشان تاخد لقب زى ده وكان ممكن يقولوا عليها فنانة عظيمة عبقرية لكن سيدة الشاشة ده لقب مستفز معناه إننا أقل منها، رغم إنها قالت إن فاتن كانت زوجة أخو زوجها وبنتها بنت عم بنت فاتن حمامة ،ومفيش أى خلاف بينهم خالص.
ودايما مرين فخر الدين كانت تقول على جمالها جمال ملوك أما جمال فاتن حمامة جمال فلاحين وده كان بيضايق فاتن حمامة أوى.
ورغم إنهم سلايف إلا إن الست ست فنانة بقى دكتورة محامية ده طبع فى الستات ودايما تلافى بين السلايف غيرة وخناقات وتقولك مفيش اى خلاف بينا وهم يبقوا زى مريم وفاتن كده ،ورغم إن الإتنين كانوا محققين نجاح كبير فى الأوقات دى لكن تقول إيه بقى .
وفى حوارها مع الإعلامية صفاء أبو السعود مريم قالت إن عمرهم ما كان بينهم أى غيرة خالث بالعكس وكمان شادية كانت سلفتهم التالتة كمان ودايما كانوا بيتجمعوا وعمرهم ماكلموا بعض على أفلام كل تجمعاتهم رقص وأكل ويتكلموا عن الموضة وبس .
وبالنسبة للأجور بتاعتهم قالت إن فاتن أقدم منها فى الفن وكمان شادية ،وده مش معناه قله قيمة لها بالعكس وهى بتحترم ده جدا.
ولما أتسائلت مين نجوميته أقوى إنتى ولا فاتن حمامة ؟ قالت مرين بكل صراحة إن هى متتحطش فى مقارنة مع فاتن ، وإن فاتن أدوراها ونجوميتها محدودة متقدرش تطلع أميرة مش هتصدقك لكن بتليق فى أدوار الفلاحين والفقرا وإنها تخليكى تعيطى وتقطع قلبك .
شاركونا برأيكم فى تصريحات شريقة ماهر؟ وهل مع رأى مريم فخر الدين فى فاتن حمامة ولالا؟ وهل فاتن حمامة تستحق لقب سيدة الشاشة العربية ؟ وإيه الأدوار الللى بتحبوها لمريم فخر الدين وفاتن حمامة؟
