حل الإعلامي شريف مدكور، الساعات الماضية، ضيفا ببرنامج “ع المسرح” المذاع على قناة “الحياة”.
وخلال اللقاء كشف شريف مدكور عن سبب عدم زواجه حتى الآن وسر رفضه الإنجاب.
شريف مدكور يكشف سبب عدم زواجه حتى الآن وسر رفضه الإنجاب
وقال مدكور: “ارتباطاتي غالبا بتبوظ لإنهم بيكتشفوا إني سي السيد، أنا طبعي وعشرتي صعبة، ومش أي حد يقدر يعيش معايا في مكان واحد لمدة طويلة بسبب النظام والانضباط والنظافة المفرطة وعلشان كده مش عاوز أتجوز”.
وتابع: “أنا مقدرش أقعد مع الأطفال أكتر من نص ساعة، وكنت هبقى أب صعب وبعترف بكده وعلشان كده رافض فكرة الخلفة”.
وأضاف: “ولو أتجوز هاتجوز واحدة عندها أطفال علشان متقوليش أنا عايزة أخلف، ومش عايز حد يبقى الولد في مدرسة ويقولوله بص أبوك مش عارف إيه وفكرة التنمر”.
وفي وقت سابق، كشف الإعلامي شريف مدكور، عن أحد الأسباب التي أدت إلى إصابته بالسرطان في وقت سابق، والذي لا يزال يتلقى العلاج منه.
وكتب مدكور عبر حسابه على فيسبوك: «التنمر من ضمن أسباب إصابتي بالسرطان، لذلك لم ولن أسامح أي شخص تنمر عليّ، أو قال أي كلمة فيها إهانة لي».
اقرأ ايضا:
